JUETLI NƐ NGƐ MAWU MUNYU Ɔ MI | MAAKO 3-4
Hiɔ Tsami Ngɛ He Jɔɔmi Ligbi ɔ Nɔ
Mɛni he je nɛ Yuda jami hɛ mi nyɛɛli ɔmɛ a ní peepee hao Yesu wawɛɛ ɔ? Ejakaa a wo nya tsimi mlaahi babauu ngɛ He Jɔɔmi Ligbi ɔ nɔ, nɛ enɛ ɔ ha nɛ He Jɔɔmi Ligbi ɔ ba pee tloomi kɛ ha ni ɔmɛ. Kaa nɔ hyɛmi nɔ́ ɔ, e sɛ kaa nɔ ko gbeɔ ngmo ngɛ He Jɔɔmi Ligbi ɔ nɔ. Loko a ma nyɛ ma tsa nɔ ko ngɛ He Jɔɔmi Ligbi ɔ nɔ ɔ, jã nɔ ɔ wami ya je oslaa mi. Enɛ ɔ tsɔɔ kaa, ke nɔ ko nane tsɔ̃, aloo e wu ko ku ɔ, e sɛ nɛ a fi kɛ ha lɛ ngɛ He Jɔɔmi Ligbi ɔ nɔ. E ngɛ heii kaa, jami hɛ mi nyɛɛli ɔmɛ susuu we nyumu ɔ nɛ e nine gbo ɔ he kulaa.