JUETLI NƐ NGƐ MAWU MUNYU Ɔ MI | LUKA 10-11
Nɔ́ He Tomi Nɔ́ Nɛ Kɔɔ Samaria No Mɔbɔ Nalɔ ɔ He
Yesu ngɔ nɔ́ he tomi nɔ́ nɛ ɔ kɛ tsu ní kɛ ha sane bimi nɛ ɔ heto: “Mɛnɔ tutuutu ji ye nyɛmi?” (Luk 10:25-29) E le kaa “nimli slɔɔtoslɔɔtohi,” nɛ́ Samaria bi kɛ Ma Jeli tsuo piɛɛ he ɔ maa ba Kristofohi asafo ɔ mi. (Yo 12:32) Nɔ́ he tomi nɔ́ nɛ ɔ tsɔɔ e se nyɛɛli ɔmɛ kaa e sa nɛ a bɔ mɔde nɛ a je suɔmi kpo kɛ tsɔɔ ni kpahi, kɛ nihi nɛ e slo mɛ ngɛ a he ɔ hulɔ.
BI O HE KE:
‘Kɛ i naa nyɛmimɛ nyumuhi kɛ yihi nɛ a je ma kpahi a nɔ, nɛ e slo a kusumi ɔmɛ ha kɛɛ?’
‘Anɛ nihi nɛ i kɛ mɛ sɔ ngɛ ní komɛ a mi ɔ pɛ nɛ i kɛ mɛ pɔɔ bɔmi lo?’
‘Anɛ ma nyɛ ma bli ye tsui mi gbajaa konɛ ma le nyɛmimɛ Kristofohi nɛ a je wɛtso ekpaekpahi a mi ɔ hu lo?’ (2Ko 6:13)
Mɛnɔ ma nyɛ ma fɔ nine konɛ . . .
i kɛ lɛ nɛ ya fiɛɛmi?
e ba ye we ɔ mi kɛ ha ní yemi?
e ba piɛɛ ye weku ɔ he kɛ pee weku Mawu jami?