Wa Yemi Kɛ Buami Sɔmɔmi Ní Tsumi ɔ

8:1-4; 9:7

Kristofohi a sɔmɔmi ní tsumi ɔ ngɛ fãhi enyɔ. Mɛ ji ‘Sɔmɔmi nɛ dlaa nihi kɛ Mawu a kpɛti,’ loo fiɛɛmi kɛ ní tsɔɔmi ní tsumi ɔ, kɛ jehanɛ se hu yemi kɛ buami ní tsumi ɔ nɛ waa kɛ yeɔ bua wa nyɛmimɛ ɔ. (2Ko 5:18-20; 8:4) Enɛ ɔ he ɔ, yemi kɛ buami nɛ waa kɛ haa wa nyɛmimɛ nɛ e fĩ mɛ ɔ piɛɛ wa sɔmɔmi nɛ ngɛ klɔuu ɔ he. Jã nɛ wa peeɔ ɔ

• tsuɔ wa nyɛmimɛ nyumuhi kɛ yihi a hiami níhi a he ní kɛ haa mɛ.​—2Ko 9:12a

• yeɔ bua nihi nɛ a hao ɔ nɛ a he waa ngɛ Mawu jami mi ekohu. A kɛ kã tsuɔ fiɛɛmi ní tsumi ɔ, a peeɔ dɛ he ní kasemi, nɛ a yaa asafo mi kpehi. A peeɔ ní nɛ ɔmɛ kɛ tsɔɔ kaa a bua jɔ nɔ́ nɛ Yehowa pee kɛ ha mɛ ɔ he.​—2Ko 9:12b

• woɔ Yehowa hɛ mi nyami. (2Ko 9:13) Yemi kɛ buami ní tsumi ɔ nɛ wa tsuɔ ɔ ji odase kɛ ha nihi tsuo, nihi nɛ a hɛɛ we Yehowa Odasefohi a he juɛmi kpakpa hu piɛɛ he