Bɔ Nɛ Wɔ Tsuo Wa Ma Plɛ Kɛ Hyɛ Wa Jami He Ɔmɛ A Nɔ Saminya Ha

Wa Matsɛ Yemi Asa amɛ pi tsuhi kɛkɛ. A ji hehi nɛ a jɔɔ nɔ kɛ ha Yehowa jami. Mɛni wa ti nɔ fɛɛ nɔ ma nyɛ maa pee konɛ wa nyɛ nɛ waa hyɛ wa Matsɛ Yemi Asa amɛ a nɔ saminya?

NYƐƐ HYƐ VIDEO NƐ JI E SA NƐ WAA HYƐ WA JAMI HE ƆMƐ A NƆ SAMINYA, LƆ Ɔ SE Ɔ, NYƐ HA SANE BIMIHI NƐ NYƐƐ SE ƆMƐ A HETO:

1. Mɛni se namihi nɛ ngɛ Matsɛ Yemi Asahi a he?

2. Mɛni he je nɛ e sa kaa waa hyɛ Matsɛ Yemi Asa a nɔ saminya, nɛ wa ha nɛ e he nɛ tsɔ ɔ?

3. Kɛ o he nɛ o kɛ wo blɔ nya tomi kɛ ha Matsɛ Yemi Asa a nɔ dlami mi ɔ ye bua mo ha kɛɛ?

4. Mɛni he je nɛ e sa kaa waa hyɛ saminya konɛ wa ko plaa, nɛ mɛni nɔ hyɛmi níhi o na ngɛ video ɔ mi?

5. Mɛni blɔ nɔ nɛ sika nɛ wa haa kɛ yeɔ bua a woɔ Yehowa hɛ mi nyami ngɛ?

MƐNI MA PEE KƐ YE BUA?