Nyɛ Je Momo ɔ, Nɛ Nyɛɛ Wo Ehe ɔ

3:5-14

Anɛ o pee tsakemi ngua komɛ ngɛ o si himi mi benɛ o ba na anɔkuale ɔ lo? Ke jã a, lɛɛ o ma nyɛ ma ná nɔ mi mami kaa Yehowa bua jɔ o mɔde bɔmi ɔ he. (Eze 33:11) Se kɛ̃ ɔ, e biɔ mɔde bɔmi wawɛɛ loko wa ma nyɛ maa yu wa he ngɛ su momo ɔ he konɛ waa ya nɔ nɛ wa je su ehe ɔ kpo daa. Ha sane bimihi nɛ nyɛɛ se nɛ ɔmɛ a heto konɛ o na hehi nɛ o ma nyɛ maa pee babauu ngɛ:

• Anɛ loloolo ɔ, nɔ ko nɛ e tɔ̃ ye nɔ ɔ he abofu ngɛ ye mi lo?

• Anɛ i toɔ ye tsui si kɛ haa nihi ke pɔtɔ ye he aloo i ngɛ oya yee lo?

• Ke susumi yayahi ba ye juɛmi mi ɔ, i jeɔ kɛ jeɔ ye juɛmi mi amlɔ nɔuu lo?

• Anɛ i náa nihi nɛ e slo a he womi nɔ su aloo a je ma kpahi a nɔ ɔ a he juɛmi nɛ dɛ lo?

• Anɛ i tu munyu nɛ sɛ aloo i kɛ abofu tu munyu kɛ tsɔɔ nɔ ko lingmi nɛ ɔ lo?