Ní Tsumi Kpakpahi Nɛ Mawu Hɛ Be Nɔ Jee

Yehowa sɔmɔli tsuo ma nyɛ ma tsu ní tsumi kpakpahi kɛ ha lɛ nɛ e hɛ be nɔ jee gblegbleegble. Kaa bɔ nɛ tsɛ nɛ ngɛ suɔmi hɛ ji ní kpakpahi nɛ e bimɛ pee ɔ nɔ ɔ, jã kɛ̃ nɛ Yehowa hu hɛ be ní tsumi kɛ suɔmi nɛ wa jeɔ kpo ngɛ e biɛ ɔ he ɔ nɔ jee. (Mat 6:20; Heb 6:10) Ngɛ anɔkuale mi ɔ, e slo wa ti nɔ fɛɛ nɔ nyɛmi kɛ e si fɔfɔɛ. Se kɛ̃ ɔ, ke waa kɛ wa nyɛmi tsuo sɔmɔ Yehowa a, wa ma ná bua jɔmi. (Gal 6:4; Kol 3:23) Nyɛmimɛ nyumuhi kɛ yihi akpehi abɔ kɛ jehahi babauu sɔmɔ ngɛ Betel. Anɛ o si fɔfɔɛ ɔ maa ngmɛ mo blɔ konɛ o sɔmɔ ngɛ Betel lo? Ke pi jã a, lɛɛ anɛ o ma nyɛ maa wo nɔ ko he wami konɛ e pee jã aloo o ma nyɛ maa ye bua nɔ ko nɛ e ngɛ sɔmɔe ngɛ Betel konɛ e ya nɔ nɛ e sɔmɔ lo?

NYƐƐ HYƐ VIDEO NƐ JI NÍHI NƐ O MAA PEE KONƐ O NYƐ NƐ O YA SƆMƆ NGƐ BETEL, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni nɛ e sa kaa e wo nɔ ko he wami konɛ e nyɛ nɛ e ya sɔmɔ ngɛ Betel?

• Mɛni jɔɔmihi nɛ nihi nɛ a ngɛ sɔmɔe ngɛ Betel ɔ náa?

• Ke nɔ ko suɔ nɛ e sɔmɔ ngɛ Betel ɔ, mɛni hlami níhi nɛ e sa kaa e su a he?

• Kɛ nɔ ko ma plɛ kɛ le blɔ bimi womi nɛ e sa nɛ e ngma nɔ ní ha kɛɛ?