“Nyɛɛ Ya Nɔ Nɛ Nyɛɛ Hi Ní Nɛ Ɔmɛ A He Susue”

Mɛni níhi? Filipi Bi 4:8 ɔ tsɔɔ kaa wa susu nɔ́ fɛɛ nɔ́ nɛ ji anɔkuale, nɔ́ fɛɛ nɔ́ nɛ hɛ mi ngɛ nyami, nɔ́ fɛɛ nɔ́ nɛ da, nɔ́ fɛɛ nɔ́ nɛ he tsɔ, nɔ́ fɛɛ nɔ́ nɛ a suɔ, kɛ nɔ́ fɛɛ nɔ́ nɛ a tuɔ he munyu kpakpa, nɔ́ fɛɛ nɔ́ nɛ ji je mi bami nɛ sa, kɛ nɔ́ fɛɛ nɔ́ nɛ sa yi jemi ɔ a he. Ngɛ anɔkuale mi ɔ, enɛ ɔ tsɔɔ we kaa Kristofohi nɛ a hi Baiblo ɔ he pɛ susue be fɛɛ be. Se kɛ̃ ɔ, e sa nɛ níhi nɛ wa susuɔ a he ɔ nɛ pee níhi nɛ maa sa Yehowa hɛ mi. E sɛ nɛ wa susu níhi nɛ ma ha nɛ e he nɛ wa ha wɔ kaa wa maa ye Yehowa anɔkuale ɔ a he.​—La 19:14.

E be gbɔjɔɔ kaa wa ma kua susumi yayahi. Pi wa gbɔjɔmihi pɛ nɛ e sa kaa waa hwu kɛ si, mohu ɔ, e sa nɛ waa hwu kɛ si Satan nɛ lɛ ji “níhi a blɔ nya tomi nɛ ɔ mi mawu ɔ” hulɔ. (2Ko 4:4) Akɛnɛ lɛ nɛ e ngɛ je ɔ kudɔe he je ɔ, níhi babauu nɛ a peeɔ ngɛ tiivi nɔ, hleedio nɔ, Intanɛti ɔ nɔ, kɛ womihi nɛ a peeɔ ɔ ji níhi nɛ a sɛ kulaa. Ke waa kɛ ní kpakpahi wui wa juɛmi mi ɔ, bɔɔbɔɔbɔɔ ɔ, e ma puɛ wa susumi nɛ wa je mi bami hu ma puɛ.​—Yak 1:14, 15.

NYƐƐ HYƐ VIDEO NƐ JI KUA NÍHI NƐ BE HAE NƐ O YE ANƆKUALE​—HƐJA JEMI NƐ SƐ, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni nɛ nyɛminyumu ɔ ngɛ hyɛe ngɛ e fon ɔ nɔ, nɛ kɛ e ná e nɔ he wami ha kɛɛ?

• 

  Kɛ Galatia Bi 6:7, 8 kɛ La 119:37 ɔ ye bua lɛ ha kɛɛ?