KRISTOFOHI A SI HIMI
Anɛ O Dla O He Lo?
Anɛ o dla o he kɛ to ke adebɔ mi oslaa ko ba ngɛ he nɛ o ngɛ ɔ lo? Zugba mimiɛɛmihi, kɔɔhiɔ nɛ nya wa nɛ puɛɔ ní, la nɛ sãa hue tsohi kɛ nyu nɛ jeɔ nihi ɔ ma nyɛ maa ba tlukaa, nɛ a ma nyɛ ma puɛ ní wawɛɛ. Jehanɛ se hu ɔ, ma he gbeye woli, basabasa peemi kɛ gbenɔ hiɔhi nɛ sãa nɔ hu ma nyɛ maa ba tlukaa ngɛ he fɛɛ he. (Fiɛlɔ 9:11) E sɛ nɛ wa susu kɔkɔɔkɔ kaa ní nɛ ɔmɛ be nyɛe maa ba ngɛ he nɛ wa ngɛ ɔ.
E sa nɛ wa ti nɔ fɛɛ nɔ nɛ e bɔ mɔde kaa e ma dla e he loko oslaa nɛ ba. (Abɛ 22:3) E ngɛ mi kaa Yehowa asafo ɔ yeɔ bua ngɛ oslaa behi a mi mohu lɛɛ, se wa ti nɔ tsuaa nɔ blɔ nya ní tsumi ji kaa e ma dla e he ngɔ to loko oslaa nɛ ba.—Gal 6:5, sisi ningma.
NYƐƐ HYƐ VIDEO NƐ JI, ANƐ O DLA O HE KƐ HA ADEBƆ MI OSLAAHI LO? LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Kɛ huɛ bɔmi kpakpa nɛ maa hi waa kɛ Yehowa wa kpɛti ɔ maa ye bua wɔ ha kɛɛ ke oslaa ko ba?
Mɛni he je nɛ e he hia nɛ . . .
• wa ha asafo mi nikɔtɔma amɛ wa nɔma loko oslaa nɛ ba, nɛ́ jehanɛ se hu, waa kɛ mɛ nɛ sɛɛ ní ke oslaa ko ba, aloo ke oslaa a ba se po ɔ?
• wa hla oslaa be mi baagi ko kɛ to ɔ?—g17.5-E 6
• wa susu oslaahi nɛ ma nyɛ maa ba, kɛ nɔ́ nɛ wa maa pee ke oslaa ko ba a he ɔ?
Mɛni ji blɔ etɛ komɛ a nɔ nɛ wa ma nyɛ maa gu kɛ ye bua nihi ke oslaa ko ná mɛ?