Nɔ́ Nɛ Hetsɔmi ɔ Tsɔɔ Kristofohi

12:5-7, 12, 13, 24-27

Bɔ nɛ pee nɛ haomi nyɔngmane ɔ ko kpata Israel bi ɔmɛ a hɛ mi he je ɔ, e he ba hia nɛ a bu blɔ tsɔɔmihi tue. (2Mo 12:28) Ngɛ Nisan ligbi 14 ɔ gbɔkuɛ ɔ, a fã wekuhi kaa a bua a he nya ngɛ a we ɔmɛ a mi. E sa nɛ a gbe jijɔ loo apletsi ku nɛ ye jeha kake. E sa nɛ a ngɔ lohwe ɔ muɔ ɔ kɛ kpa a sinya tso ɔmɛ kɛ yiti nɔ́ ɔmɛ a he. Lɔ ɔ se ɔ, e sa nɛ a sã lohwe mluku ɔ tsuo nɛ a ye lɛ kɛfokɛfo. E sɛ nɛ nɔ ko nɛ je kpo ngɛ we ɔ mi kɛ ya si mɔtu.​—2Mo 12:9-11, 22.

Mɛni blɔ pɔtɛɛ komɛ a nɔ nɛ tue bumi poɔ wa he piɛ ngɛ mwɔnɛ ɔ?