JUETLI NƐ NGƐ MAWU MUNYU Ɔ MI | 3 MOSE 4-5
Ngɔɔ Nɔ́ Nɛ O Ngɛ Nɛ Hi Pe Kulaa a Kɛ Ha Yehowa
Ngɛ Israel ɔ, ke nɔ ko ji ohiatsɛ ɔ, lɔ ɔ tsɔɔ we kaa e be nyɛe maa pee níhi nɛ ma ha nɛ tue mi jɔmi nɛ hi e kɛ Yehowa a kpɛti. Ke Israel nɔ ko ji ohiatsɛ po, se e ngɔ e níhi nɛ e ngɛ ɔ a kpɛti nɔ́ nɛ hi pe kulaa a kɛ sã afɔle ha Yehowa a, e bua maa jɔ he. Ohiatsɛ ɔ ma nyɛ maa ngɔ mamu kɛ ba ha Yehowa, se e sa nɛ e pee mamu “kpakpa,” nɛ ji nɔ́ nɛ a kɛ peeɔ niye ní ha nibwɔhi nɛ a buɔ mɛ wawɛɛ ɔ. (1Mo 18:6) Mwɔnɛ ɔ, bɔ fɛɛ bɔ nɛ wa ti nɔ fɛɛ nɔ si fɔfɔɛ ngɛ ha tsuo se ɔ, Yehowa bua jɔɔ “yi jemi afɔle” nɛ wa jeɔ wa tsui mi kɛ sãa kɛ haa lɛ ɔ he.—Heb 13:15.
Ke o nyɛ we nɛ o tsu babauu hu kaa sa a akɛnɛ o be nɔmlɔ tso mi he wami kpakpa ko aloo hiɔ ko fia mo he je ɔ, kɛ munyu nɛ ɔ maa wo mo he wami ha kɛɛ?