KRISTOFOHI A SI HIMI
Yehowa Tsɔseɔ Wɔ Kɛ Tsɔɔ Kaa E Suɔ Wɔ
Nɔ́ nɛ tsɔsemi tsɔɔ titli ji, blɔ tsɔɔmi kɛ ní tsɔɔmi. Se e kɔɔ nɔ dlami kɛ tue gblami hu he. Yehowa tsɔseɔ wɔ konɛ wa sɔmɔ lɛ ngɛ blɔ nɛ da nɔ. (Ro 12:1; Heb 12:10, 11) Be komɛ ɔ, tsɔsemi yeɔ nɔ, se e haa nɛ nɔ peeɔ dami ní nɛ e náa jɔɔmihi. (Abɛ 10:7) Mɛni nɛ e sa kaa nihi nɛ a kɛ tsɔsemi haa nihi, kɛ nihi nɛ a kɛ tsɔsemi ngɛ mɛ hae ɔ nɛ a kai?
Nɔ nɛ e kɛ tsɔsemi haa nihi. Asafo mi nikɔtɔmahi, fɔli kɛ ni kpahi bɔɔ mɔde kaa a maa je suɔmi kɛ mi mi jɔmi mi kɛ tsɔse nihi kaa bɔ nɛ Yehowa peeɔ ɔ. (Yer 46:28) E sa kaa tsɔsemi nɛ a kɛ ma ha nɔ ɔ kɛ nɔ́ nɛ nɔ ɔ pee ɔ nɛ kɔ, nɛ́ a kɛ suɔmi nɛ pee jã.—Tit 1:13.
Nɔ nɛ a kɛ tsɔsemi ngɛ lɛ hae. Bɔ nɛ tsɔsemi nɛ a kɛ ma ha wɔ ɔ ngɛ ha fɛɛ ko ɔ, e sɛ nɛ wa kua. Mohu ɔ, e sa nɛ waa kplɛɛ nɔ nɛ wa kɛ tsu ní nɔuu. (Abɛ 3:11, 12) Akɛnɛ wa yi mluku he je ɔ, wɔ tsuo wa hia tsɔsemi ngɛ blɔ slɔɔtohi a nɔ. Wa náa tsɔsemi kɛ guɔ níhi nɛ wa kaneɔ ngɛ Baiblo ɔ mi aloo níhi nɛ wa kaseɔ ngɛ asafo mi kpehi a sisi ɔ nɔ. Aloo be komɛ ɔ, ni komɛ maa hia tsɔsemi kɛ je sane yemi ajla toli a ngɔ. Ke wa kplɛɛ tsɔsemi nɔ nɛ waa kɛ tsu ní ɔ, wa si himi maa pee kpakpa nɛ wa maa hi si kɛ ya neneene.—Abɛ 10:17.
NYƐƐ HYƐ VIDEO NƐ JI, “NI NƐMƐ NƐ YEHOWA SUƆ MƐ Ɔ, MƐ LƐ E TSƆSEƆ,” LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:
Kɛ a tsɔse Canon kɛ je sisi ha kɛɛ, nɛ kɛ e si himi ba tsake ha kɛɛ?
Mɛni tsɔsemi nɛ Yehowa je suɔmi mi kɛ ha lɛ?
O bua nɛ jɔ tsɔsemi nɛ je Yehowa ngɔ ɔ he
Mɛni wa kaseɔ ngɛ e níhi a si kpami ɔ mi?