Moo Mwɔ Yi Mi Kpɔ Nɛ Da Ngɛ Bɔ Nɛ O Kɛ Dã Ma Tsu Ní Ha a He

E sa kaa Kristofohi tsuo nɛ a ye a he nɔ ngɛ bɔ nɛ a kɛ dã tsuɔ ní ha a he. (Abɛ 23:20, 29-35; 1Ko 6:9, 10) Ke Kristofo no ko hla kaa e maa nu dã a, e sa kaa e pee jã bɔ nɛ sa. Jehanɛ se hu ɔ, e sɛ nɛ e ngɔ dã numi kɛ pee e ní tsumi, nɛ e hyɛ nɛ e ko tɔ̃tɔ̃ ni kpahi a nane. (1Ko 10:23, 24; 1Ti 5:23) Ngɛ anɔkuale mi ɔ, e sɛ nɛ waa nyɛ nɔ ko nɔ kaa e nu dã, titli ɔ, nihewi kɛ yihewi.

NYƐƐ HYƐ NÍ TƐNIMI NƐ TSƆƆ NƆ NÍ HE VIDEO NƐ JI, SUSU NƆ́ NƐ MAA JE DÃ NUMI MI KƐ BA A HE, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• Mɛni he je nɛ e sa kaa Kristofohi tsuo nɛ a ye mlaahi nɛ kɔɔ dã numi he ɔ nɔ ɔ?—Ro 13:1-4

• Mɛni he je nɛ e sɛ nɛ waa ngmɛ blɔ nɛ ni kpahi nɛ a nyɛ wa nɔ nɛ waa nu dã a?​—Ro 6:16

• Mɛni wa ma nyɛ maa pee konɛ waa yu wa he kɛ je oslaahi nɛ jeɔ dã numi mi kɛ baa a he?