O Kɛ Yi Nikɔtɔma Amɛ Nɛ Hi Si Kaa Nyɛmɛ, Kɛ Yihewi Ɔmɛ Kaa Nyɛmi Yihi

Ngmami ɔ tsɔɔ kaa waa kɛ nyɛmimɛ Kristofohi nɛ a wa a nɛ́ hi si kaa wa nyɛmɛ kɛ wa tsɛmɛ kɛ nyɛmimɛ nɛ a wɛ ɔ kaa wa nyɛmimɛ nyumuhi kɛ yihi. (Kane 1 Timoteo 5:1, 2.) E sa kaa nyɛmimɛ nyumu ɔmɛ titli nɛ a kɛ nyɛmiyi ɔmɛ nɛ hi si saminya nɛ a je bumi kpo kɛ tsɔɔ mɛ.

E sɛ nɛ nyɛminyumu ko nɛ e pee nɔ́ ko kɛ tsɔɔ kaa e suɔ nyɛmiyo ko be mi nɛ e hɛɛ we juɛmi kaa e kɛ nyɛmiyo ɔ maa sɛ gba si himi mi, aloo nɔ́ ko nɛ ma gba nyɛmiyo ko nya ke e ngɛ e kasa nya. (Hiob 31:1) E sɛ nɛ nyɛminyumu ko nɛ e sɛ we gba si himi mi ɔ kɛ nyɛmiyo ko nɛ e sɛ we gba si himi mi ɔ he numi nɛ fiɛ kɛ gu níhi nɛ e maa pee nɛ ma ha nɛ nyɛmiyo ɔ ma susu kaa e suɔ lɛ ɔ nɔ be mi nɛ pi jã ji sane ɔ.

Ke nyɛmiyo ko je he si bami mi kɛ bi asafo mi nikɔtɔma amɛ sane ko aloo e gbla a juɛmi kɛ ya nɔ́ ko nɛ e ma bi nɛ e susu he ɔ nɔ ɔ, e sa nɛ nikɔtɔma amɛ nɛ a to a tsui si ha nyɛmiyo ɔ. Asafo mi nikɔtɔma amɛ susuɔ nyɛmimɛ yihi nɛ a sɛ we gba si himi mi ɔ a he titli bɔ nɛ pee nɛ a po a he piɛ.​—Rut 2:8, 9.

NYƐƐ HYƐ VIDEO NƐ JI, MO JE SUƆMI NƐ E SE PUI KPO NGƐ ASAFO Ɔ MI​—KƐ TSƆƆ YALƆYIHI KƐ AWUSAHI, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Mɛni blɔ nɔ asafo ɔ gu kɛ je suɔmi nɛ se be kpo kɛ tsɔɔ Nyɛmiyo Myint?

• 

  Mɛni blɔ nɔ nɛ suɔmi nɛ nyɛmimɛ je kpo ɔ ye nihi nɛ a ngɛ kpɔ ɔ mi ɔ odase?

• 

  Kɛ suɔmi nɛ nyɛmimɛ je kpo ɔ ná Nyɛmiyo Myint biyi ɔmɛ a nɔ he wami ha kɛɛ?

Mɛni blɔ pɔtɛɛ komɛ a nɔ o ma nyɛ maa gu kɛ je suɔmi kpo kɛ tsɔɔ nyɛmimɛ yihi nɛ a ngɛ o we asafo ɔ mi ɔ?