Níhi Nɛ Wa Kaseɔ Ngɛ Samuel He

Samuel ya nɔ nɛ e ye Yehowa anɔkuale ngɛ e wami si himi mi tsuo. Benɛ e ji jokuɛyo ɔ, e ha we nɛ e je mi bami nɛ puɛ kaa bɔ nɛ Hofni kɛ Finehas pee ɔ. (1Sam 2:22-26) Benɛ Samuel ngɛ wae ɔ, Yehowa ya nɔ nɛ e kɛ lɛ hi si. (1Sam 3:19) Benɛ Samuel bwɔ po ɔ, e ya nɔ nɛ e kɛ anɔkuale yemi sɔmɔ Yehowa, e ngɛ mi kaa e binyumu ɔmɛ pee we jã.​—1Sam 8:1-5.

Mɛni Samuel nɔ hyɛmi nɔ́ ɔ ma nyɛ maa tsɔɔ wɔ? Ke o ji jokuɛyo ɔ, mo ná nɔ mi mami kaa Yehowa nu nyagbahi nɛ o kɛ ngɛ kpee ɔ sisi nɛ e le bɔ nɛ o nuɔ he ha. E ma nyɛ maa ye bua mo nɛ o pee kã. (Yes 41:10, 13) Ke o ji fɔlɔ nɛ o bi sɔmɔ we Yehowa a, ha nɛ lemi nɛ o le kaa Samuel nyɛ we e binyumuhi nɛ a wa a nɔ kaa a ye Yehowa anɔkuale ɔ nɛ wo o bua. Samuel tu e sane ɔ kɛ wo Yehowa dɛ nɛ e ya nɔ nɛ e ye Yehowa anɔkuale nɛ e pee níhi nɛ sa e hiɔwe Tsɛ nɛ ji Yehowa a hɛ mi. Eko ɔ, o nɔ hyɛmi nɔ́ kpakpa a ma nyɛ maa ye bua o bi ɔ konɛ e kpale kɛ ba Yehowa ngɔ.

NYƐƐ HYƐ VIDEO NƐ JI, MOO KASE NÍ KƐ JE A NÍ PEEPEE Ɔ MI​—SAMUEL, LƆ Ɔ SE Ɔ, NYƐ HA SANE BIMIHI NƐ NYƐƐ SE NƐ ƆMƐ A HETO:

• 

  Benɛ Samuel ji jokuɛyo ɔ, mɛni blɔ nɔ e gu kɛ je kã kpo?

• 

  Mɛni blɔ nɔ Danny gu kɛ je kã kpo?

• 

  Benɛ Samuel ba wa ngɛ jeha mi ɔ, mɛni nɔ hyɛmi nɔ́ kpakpa e pee?

• 

  Mɛni nɔ hyɛmi nɔ́ kpakpa nɛ Danny fɔli ɔmɛ pee?