Anɛ O Jeɔ O Tsui Mi Nɛ O Kɛ Níhi Sãa Afɔle Lo?

A fã David kaa e ma bɔ sami la tɛ ngɛ Arauna ngma gbeemi he ɔ (2Sam 24:18)

Arauna je e tsui mi nɛ e ngɔ zugba a kɛ lohwehi nɛ a kɛ maa sã bɔ ɔ kɛ ha (2Sam 24:21-23)

David kɛ níhi nɛ e ná yaka a be bɔ sãe ha Yehowa (2Sam 24:24, 25; mwbr22.07 bf. 1 kk. 5)

Foni ɔmɛ: Blɔhi a nɔ nɛ o maa gu kɛ sã afɔle. 1. Nyɛmimɛ nyumuhi kɛ yihi nɛ a ngɛ ye buae kɛ ngɛ Matsɛ Yemi Asa ko mae. 2. Nyɛmiyo nɔkɔtɔma ko nɛ e kɛ sika ngɛ yemi kɛ buami daka a mi woe. 3. Nyɛminyumu ko kɛ e yo nɛ a kɛ atsɛ̃se ngɛ odase yee. 4. Nyɛmimɛ nyumuhi kɛ yihi nɛ a ngɛ ye buae ngɛ he nɛ oslaa ko ba ngɛ.

Ke wa je wa tsui mi nɛ waa kɛ wa be, wa he wami, kɛ wa he lo nya níhi sã afɔle konɛ wa nyɛ nɛ wa sɔmɔ Yehowa a, e bua jɔɔ. (mwbr22.07 bf. 2 kk. 1) Mɛni otihi o ma nyɛ kɛ ma o hɛ mi konɛ o nyɛ nɛ o “sã yi jemi afɔle” babauu kɛ ha Yehowa?—Heb 13:15.