JUETLI NƐ NGƐ MAWU MUNYU Ɔ MI

O Kɛ Nile Nɛ Hla Nɔ Nɛ O Kɛ Maa Sɛ Gba Si Himi Mi

Salomo kɛ nile tsu we ní nɛ e kɛ yihi nɛ a jaa lakpa mawuhi sɛ gba si himi mi (1Ma 11:1, 2; w18.07 18 ¶7)

Bɔɔbɔɔbɔɔ ɔ, Salomo yihi ɔmɛ dɔ e tsui kɛ je Yehowa he (1Ma 11:3-6; w19.01 15 ¶6)

Yehowa mi mi fu Salomo wawɛɛ (1Ma 11:9, 10; w18.07 19 ¶9)

Foni ɔmɛ: Nyɛmiyo ko nɛ e sɛ we gba si himi mi nɛ e ngɛ Baiblo ɔ kasee ngɛ e dɛ he, nɛ́ e ngɛ nyɛminyumu ko nɛ lɛ hu e sɛ we gba si himi mi lolo ɔ he susue. 1. Nyɛminyumu ɔ ngɛ sane heto hae ngɛ asafo mi kpe sisi. 2. E kɛ e he woɔ ma nɔ odase yemi mi. 3. E yeɔ bua kɛ dlaa Matsɛ Yemi Asa a nɔ.

Mawu Munyu ɔ wo Kristofohi nɛ a sɛ we gba si himi mi lolo ɔ he wami kaa a sɛ gba si himi mi “ngɛ Nyɔmtsɛ ɔ mi pɛ.” (1Ko 7:39) Se ke a baptisi nɔ ko po ɔ, lɔ ɔ tsɔɔ we kaa e maa pee huno kpakpa loo yogbayo kpakpa. Anɛ nɔ ɔ ma nyɛ maa ye bua mo konɛ o ya nɔ nɛ o sɔmɔ Yehowa kɛ o tsui tsuo lo? Anɛ nɔ ɔ ngɔ e ní peepee kɛ tsɔɔ kaa e ngɛ suɔmi nɛ mi kuɔ kɛ ha Yehowa be saii ji nɛ ɔ lo? Loko o maa mwɔ o yi mi kpɔ kaa o kɛ nɔ ko maa sɛ gba si himi mi ɔ, e sa nɛ o he be kɛ le nɔ ɔ saminya.