Mɛni He Je Nɛ E Sa Nɛ O Bua Nɛ Jɔ Níhi Nɛ O Ngɛ Ɔmɛ A He Nɛ O Pee O He Humi ɔ?

Mawu gbalɔ ɔ kua Yeroboam nike ní kpakpa amɛ (1Ma 13:7-10; mwbr22.09 bf. 2 kk. 2)

Pee se ɔ, Mawu gbalɔ ɔ gbo mlaa nɛ Yehowa wo lɛ ɔ nɔ tue (1Ma 13:14-19; mwbr22.09 bf. 2 kk. 3)

Gbalɔ ɔ tue gbomi ɔ ngɔ haomi kɛ ba e nɔ (1Ma 13:20-22; mwbr22.09 bf. 2 kk. 4)

Ke wa bua jɔ níhi nɛ wa ngɛ ɔmɛ a he nɛ wa hlaa Yehowa juɛmi ke wa ngɛ yi mi kpɔhi mwɔe ɔ, lɔ ɔ ma ye bua wɔ nɛ wa maa yu wa he ngɛ nyagbahi fuu a he.​—1Ti 6:8-10.

MO BI O HE KE: ‘Mɛni ma nyɛ ma pee kɛ tsɔɔ kaa i bua jɔ níhi nɛ i ngɛ ngɛ si himi mi ɔ a he? Mɛni ma pee kɛ tsɔɔ kaa i peeɔ ye he humi ke i ngɛ yi mi kpɔhi mwɔe?’​—Abɛ 3:5; 11:2.