KRISTOFOHI A SI HIMI

**Níhi Nɛ Maa Ye Bua Mo Ngɛ O Ma Nyɛ Ma Ná Bua Jɔmi Kɛ Ya Neneene! Womi ɔ Mi**

Anɛ o bua jɔ videohi kɛ sane bimihi nɛ a ngɛ O Ma Nyɛ Ma Ná Bua Jɔmi Kɛ Ya Neneene! womi ɔ mi ɔ kɛ ní tsumi he lo? Jehanɛ hu ɔ, anɛ o bua jɔ “Ni Komɛ Deɔ Ke,” “Nɔ́ Nɛ O Ma Tsu He Ní,” kɛ “Ní Kpahi Nɛ Maa Ye Bua Mo” blɔ he ɔmɛ kɛ ní tsumi he lo? Mɛni ní kpahi lɛ a ngɛ womi nɛ ɔ mi nɛ ma nyɛ maa ye bua mo ke o kɛ nɔ ko ngɛ Baiblo ɔ kasee?—Mat 28:19, 20.

“O Ma Nyɛ Ma Ná Bua Jɔmi Kɛ Ya Neneene!” womi ɔ ngɛ “JW Library” ɔ nɔ. He nɛ nɔ́ tsutsu ɔ ngɛ ngɛ sisi ɔ tsɔɔ “Videohi Kɛ Womihi Nɛ A Tsɛ Se Ngɛ Fã 1 ɔ Mi.”

Videohi Kɛ Womihi Nɛ A Tsɛ Se: Ke o suɔ kaa o maa ngɔ womi ɔ nɛ a print ɔ kɛ tsu ní ke o kɛ nɔ ko ngɛ Baiblo ɔ kasee ɔ, mɛni ji blɔ kpiti nɔ nɛ o maa gu kɛ na videohi kɛ womihi nɛ a tsɛ se ɔmɛ ngɛ he kake? Moo ya womi ɔ nɔ́ nɛ ngɛ jw.org ɔ loo JW Library ɔ nɔ ɔ nɛ o hla fã eywiɛ ɔmɛ a kpɛti kake. Ngɛ fã eko fɛɛ eko nyagbe kulaa, o ma nyɛ maa na videohi kɛ womihi nɛ a tsɛ se ɔ tsuo ngɛ jamɛ a fã a mi. (Hyɛ foni 1.)

“Nɔ́ Nɛ A Print”: Ke womi ɔ nɛ o kɛ nɔ ɔ ngɛ kasee ɔ ngɛ kɔmpiuta klama nɔ ɔ, lɛɛ o ma nyɛ maa ngɔ “Nɔ́ Nɛ A Print” blɔ he ɔ kɛ tsu ni be fɛɛ be ko ngɛ nyɛ ní kasemi ɔ mi. Ke o bli ní kasemi ko ɔ, o ma nyɛ maa nyɛ́ dot etɛ nɛ a ngɛ Library ɔ yi mi ɔ nɔ nɛ o nyɛ́ “Nɔ́ Nɛ A Print” ɔ nɔ. Bɔ nɛ a to Nɔ́ Nɛ A Print ɔ he blɔ nya ha a maa ye bua mo nɛ o na bɔ nɛ nɔ́ nɛ nyɛ ngɛ kasee ɔ tsuo kɔɔ ní kasemi ɔ he ha. Ke o suɔ nɛ o kpale kɛ ya “Klama Nɔ Nɔ́” ɔ nɔ ɔ, mo nyɛ́ dot etɛ ɔ nɔ ekohu nɛ o nyɛ́ “Klama Nɔ Nɔ́” ɔ nɔ.

“O Ma Nyɛ Ma Ná Bua Jɔmi Kɛ Ya Neneene!” womi ɔ ngɛ “JW Library” ɔ nɔ. He nɛ nɔ́ tsutsu ɔ ngɛ ɔ ji “Anɛ I Pee Klaalo Lo?” kɛ “Nyagbe Ningma” blɔ he ɔmɛ ɔ nɛ.

“Anɛ I Pee Klaalo Lo?”: Daka nɛ ɔmɛ nɛ a ngɛ womi ɔ nyagbe ɔ tsɔɔ hlami ní komɛ nɛ nɔ ko maa su he loko e kɛ asafo ɔ maa ya fiɛɛmi, nɛ e ma ha nɛ a baptisi lɛ. (Hyɛ foni 2.)

Nyagbe Ningma: Nyagbe ningma amɛ tsɔɔ munyuyi komɛ nɛ a he hia amɛ a mi. A ngɔ link kɛ wo nyagbe ningma amɛ eko fɛɛ eko nɛ ngɛ womi ɔ nɔ́ nɛ ngɛ jw.org ɔ loo JW Library ɔ nɔ ɔ he, nɛ ke o nyɛ́ nɔ ɔ, e kɛ mo maa ya he nɛ nyɛ ngɛ nɔ́ ɔ kasee ngɛ ɔ. (Hyɛ foni 2.)

Moo bɔ mɔde nɛ o kɛ Baiblo kaseli nɛ a ngɛ a hɛ mi yae ɔ nɛ kase O Ma Nyɛ Ma Ná Bua Jɔmi Kɛ Ya Neneene! womi ɔ tsuo kɛ gbe nya ke ji kaa a baptisi mɛ po. Ke a baptisi Baiblo kaselɔ ɔ po ɔ, o ma nyɛ maa bu be, kpale ya slaa kɛ ní kasemi ɔ he akɔtaa. Ke fiɛɛlɔ ko piɛɛ o he nɛ e kɛ e he wo ní kasemi ɔ mi ɔ, e ma nyɛ maa bu be nɛ nyɛɛ kɛ kase ní ɔ he akɔtaa.