Mɛni Otihi Nɛ O Kɛ Ma O Hɛ Mi Ngɛ Sɔmɔmi Jeha Ehe Nɛ Wa Maa Sɛ Mi ɔ Mi?

Mumi mi otihi ji níhi nɛ waa kɛ wa tsui tsuo peeɔ ngɛ Yehowa sɔmɔmi mi konɛ wa ha nɛ e bua nɛ jɔ. Mumi mi otihi nɛ ɔmɛ yeɔ bua wɔ nɛ wa yaa wa hɛ mi ngɛ anɔkuale ɔ mi nɛ waa kɛ wa be kɛ wa he wami sãa afɔle. (1Ti 4:15) Mɛni he je nɛ be fɛɛ be ɔ, e sa nɛ waa hyɛ otihi nɛ waa kɛ ma wa hɛ mi ɔ mi saminya a? Nɔ́ he je ji kaa si fɔfɔɛhi nyɛɔ tsake ɔ nɛ oti ko nɛ waa kɛ ma wa hɛ mi be ko nɛ be ɔ ma nyɛ ma tsake aloo eko ɔ, wa su he nɛ e ma bi nɛ waa kɛ oti kpa nɛ ma wa hɛ mi.

Wa ma nyɛ maa hyɛ otihi nɛ waa kɛ ma wa hɛ mi ɔ mi loko sɔmɔmi jeha ehe ko nɛ je sisi. Mɛni he je nɛ e sa nɛ nyɛɛ sɛɛ he ní ngɛ nyɛ Weku Mawu Jami ɔ mi konɛ nyɛɛ kɛ otihi nɛ ma nyɛ hɛ mi kaa weku kɛ jehanɛ se hu kaa ni kakaakahi ɔ?

Mɛni ji oti titli komɛ nɛ o kɛ ma o hɛ mi ngɛ níhi nɛ nyɛɛ se nɛ ɔmɛ a mi, nɛ mɛni o fia o pɛɛ si kaa o maa pee konɛ o nyɛ nɛ o su a he?