KRISTOFOHI A SI HIMI
Nɔ Hyɛli Nɛ A Tsuɔ Ní Konɛ Yehowa We Bi Nɛ A Ná He Se
Nihi fuu ná we juɛmi nɛ da ngɛ nihi nɛ a hɛɛ blɔ nya a he. Wa ma nyɛ maa na nɔ́ he je nɛ a peeɔ a ni jã a. Adesahi fuu foɔ mɛ nitsɛmɛ pɛ a nɔ́ mi enɛ ɔ he ɔ, a kɛ blɔ nya nɛ a ngɛ ɔ tsu we ní ngɛ blɔ nɛ da nɔ. (Mika 7:3) Wa bua jɔ wawɛɛ kaa a tsɔse nikɔtɔmahi nɛ a ngɛ asafo ɔ mi ɔ konɛ a ngɔ he blɔ nɛ a ngɛ ɔ kɛ tsu ní saminya konɛ Yehowa we bi nɛ a ná he se.—Est 10:3; Mat 20:25, 26.
Asafo mi nikɔtɔmahi be kaa nihi nɛ a hɛɛ blɔ nya ngɛ je ɔ mi ɔ, mɛɛ lɛɛ a sɔmɔɔ kaa nɔ hyɛli ngɛ suɔmi nɛ a ngɛ kɛ ha Yehowa kɛ e we bihi ɔ he je. (Yo 21:16; 1Pe 5:1-3) Nɔ hyɛli nɛ ɔmɛ kɛ Yesu blɔ tsɔɔmi tsuɔ ní nɛ a yeɔ bua fiɛɛlɔ fɛɛ fiɛɛlɔ konɛ e nu he kaa e piɛɛ Yehowa we bi nɛ a sɔmɔɔ lɛ ɔ a he. Jehanɛ se hu ɔ, a yeɔ bua mɛ konɛ a hɛ kɛ su Yehowa he. A kɛ oya yemi woɔ Yehowa to ɔmɛ he wami nɛ a yeɔ bua mɛ ke hiɔ tsami he blɔ nya tomi ko ba tlukaa kɛ jehanɛ ɔ se hu ke adebɔ mi oslaa ko ba. Ke o hia yemi kɛ buami ko ɔ, koo ye gbeye kaa o kɛ asafo mi nɔkɔtɔma ko ngɛ o we asafo ɔ mi ɔ maa sɛɛ he ní.—Yak 5:14.
NYƐƐ HYƐ VIDEO NƐ JI TO NƆ HYƐLI NƐ A HYƐƐ TO KUU Ɔ NƆ, LƆƆ SE Ɔ, NYA HA SANE BIMIHI NƐ NYƐƐ SE NƐ ƆMƐ A HETO:
Kɛ Mariana ná yemi kɛ buami nɛ nikɔtɔma amɛ kɛ ha lɛ ɔ he se ha kɛɛ?
Kɛ Elias ná yemi kɛ buami nɛ nikɔtɔma amɛ kɛ ha lɛ ɔ he se ha kɛɛ?
Kɛ níhi a si kpami nɛ ɔmɛ haa nɛ o naa ní tsumi nɛ nikɔtɔma amɛ tsu ɔ ha kɛɛ?