Mo Dla O Tsui

Ke wa ngɛ Baiblo ɔ kasee ɔ, wa suɔ nɛ níhi nɛ wa ngɛ kasee ngɛ Yehowa he ɔ nɛ ta wa tsui he. Ezra pee nɔ hyɛmi nɔ́ kɛ ha wɔ, nɛ wa ma nyɛ maa kase. E “dla e tsui kaa e maa kase Yehowa Mlaa a.” (Ezra 7:10) Kɛ wɔ hu wa ma plɛ kɛ dla wa tsui ha kɛɛ?

Moo sɔle. Loko o maa kase ní ɔ, moo sɔle. Mo bi Yehowa nɛ e ye bua mo nɛ o nu nɔ́ nɛ o ngɛ kasee ɔ sisi, nɛ o kɛ tsu ní.—La 119:​18, 34.

Moo ba o he si. Mawu ngɔɔ anɔkuale ɔ kɛ laa nihi nɛ a woɔ a he nɔ, nɛ a ngɔɔ a hɛ kɛ fɔɔ mɛ nitsɛmɛ a nile nɔ ɔ. (Luka 10:21) Koo bɔ mɔde kaa o maa kase ní kɛ juɛmi ɔ kaa o kɛ maa fĩa. Ke o na kaa o susumi kɛ Mawu nɔ́ ɔ kɔ we ɔ, moo je he si bami mi nɛ o pee tsakemi.

Moo bu Matsɛ Yemi la ko tue. La yeɔ buaa wɔ nɛ wa dlaa wa tsui kɛ haa Yehowa jami. Ke o bu Matsɛ Yemi la ko tue loko o je ní kasemi sisi ɔ, e maa ye bua mo konɛ o dla o tsui.