Nɔ́ Nɛ Ma Ha Nɛ O Ná Hɛ Kɛ Nɔ Fɔmi Ngɛ Jeha 2024 ɔ Mi​—Mɛni Baiblo ɔ De?

Nihi fuu susuɔ kaa a be tsaba náe kɛ ha nyagbahi nɛ maa ba je ɔ mi ngɛ jeha 2024 ɔ. Se kɛ̃ ɔ, wa ma nyɛ ma ná hɛ kɛ nɔ fɔmi kɛ ha hwɔɔ se. Ngɛ jije?

Baiblo ɔ haa wɔ hɛ kɛ nɔ fɔmi

Baiblo ɔ wo si kaa Mawu ma tsu nyagbahi tsuo nɛ́ haa nɛ mwɔnɛ ɔ, e peeɔ kaa nɔ́ nɛ wa be hɛ nɔ kami ko ɔ he ní. E be kɛe nɛ Mawu “ma tsu vo nyu fɛɛ vo nyu ngɛ [wa] hɛ mi, nɛ gbenɔ be si hie hu, jã kɛ̃ nɛ kɔmɔ yemi aloo ya fomi aloo nɔ́ yeyee ko hu be si hie hu.”​​—Kpo Jemi 21:4.

• Ke o suɔ nɛ o le babauu kɛ kɔ si womihi nɛ a ngɛ Baiblo ɔ mi ɔ he ɔ, moo kane munyu nɛ ji “A Real Hope for a Better Tomorrow.”

Bɔ nɛ Baiblo ɔ maa ye bua mo amlɔ nɛ ɔ ha

Baiblo ɔ haa wɔ hwɔɔ se he hɛ nɔ kami nɛ́ maa ye bua mo konɛ o ko ná susumi nɛ dɛ, nɛ jehanɛ hu e maa ye bua mo konɛ o ná hɛ nɔ kami kɛ ha hwɔɔ se. (Roma Bi 15:13) Ga womi kpakpahi nɛ ngɛ Baiblo ɔ mi ɔ ma nyɛ maa ye bua mo kɛ da nyagbahi nɛ eko ɔ, o kɛ maa kpe amlɔ nɛ ɔ nɛ́ ekomɛ ji ohia, dami sane nɛ a yi kɛ hiɔ ɔ nya.

• Hyɛ bɔ nɛ hɛ nɔ kami nɛ Baiblo ɔ kɛ ha a ye bua nyumu ko ha nɛ e ná bua jɔmi ngɛ ohia si himi mi nɛ e wa ngɛ ɔ tsuo se. Hyɛ video nɛ ji Juan Pablo Zermeño: Yehowa Ha Nɛ I Ná Si Himi Kpakpa.

• Moo hyɛ bɔ nɛ Baiblo ɔ ma nyɛ maa ye bua mo ha ke o he nile ngɛ mo fɔ bue, ke o hao aloo ke o suɔlɔ ko gbo. Kane munyu nɛ ji “Can I Find Words of Comfort in the Bible?”

• Moo hyɛ bɔ nɛ yo ko nɛ e kɛ e he wo ta buli a ní tsumi mi nɛ́ e kale e he kaa “nɔ ko nɛ e baa e jemi basabasa nɛ e nui nɔ́ he hí nɔ ɔ” ba ná hɛ kɛ nɔ fɔmi ha benɛ e ba kase Baiblo ɔ. Hyɛ video nɛ ji I Put Down My Rifle.

Moo pee níhi nɛ ma ha nɛ jeha 2024 ɔ nɛ pee jeha kpakpa kɛ ha o kɛ o weku ɔ. Moo kase babauu kɛ kɔ bɔ nɛ Baiblo ɔ ma nyɛ maa ye bua mo ha konɛ o nyɛ nɛ o pee jã a he. Moo ka wa Baiblo mi ní kasemi nɛ nɔ ko maa ye bua mo nɛ o be nɔ́ ko woe ɔ nɛ o hyɛ. Moo hyɛ bɔ nɛ Mawu ‘to e yi mi kaa e ma ha mo he jɔmi’ amlɔ nɛ ɔ, kɛ ‘ní kpakpahi nɛ o ngɛ blɔ hyɛe’ ɔ ha.​​—Yeremia 29:11.