Anɛ Mawu Ji Triniti Lo?

Nɔ́ nɛ Baiblo ɔ de

Sɔlemihi fuu tsɔɔ kaa Mawu ji Triniti. Se hyɛ nɔ́ nɛ Encyclopædia Britannica a de: “Munyungu nɛ ji Triniti ɔ kɛ nɔ́ nɛ jamɛ a munyungu ɔ tsɔɔ ɔ be Somi He ɔ mi . . . Sisije ɔ, nihi kplɛɛ we tsɔɔmi nɛ ɔ nɔ, se bɔɔbɔɔbɔɔ ɔ, tsɔɔmi nɛ ɔ ba he si.”

Ngɛ anɔkuale mi ɔ, Baiblo ɔ de we ke Mawu ji Triniti. Moo hyɛ nɔ́ nɛ ngmami nɛ ɔmɛ de:

‘Yehowa, wa Mawu ɔ, lɛ pɛ ji Mawu.’​—5 Mose 6:4.

‘Konɛ a le kaa mo Yehowa, mo nɔ kake too lɛ o ngɛ he wami pe nɔ tsuaa nɔ ngɛ je ɔ mi tsuo.’​—La 83:18.

“Ke a ná le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma ná neneene wami.”​—Yohane 17:3.

“Se Mawu lɛɛ lɛ nɔ kake too.”​—Galatia Bi 3:20.

Mɛni he je nɛ sɔlemihi fuu deɔ ke Mawu ji Triniti ɔ?