Sisi Ningma

a Benɛ Yesu ngɛ níhi nɛ ma kadi nyagbe ligbi ɔmɛ ɔ tsɔɔe ɔ, e tsɔɔ nɔ yami nɛ maa ba a. Kekleekle ɔ, e tsɔɔ kaa nihi nɛ a pɔ mɛ nu ɔ a kpɛti nihi bɔɔ ko nɛ a tsɛɛ mɛ ke “tsɔlɔ anɔkualetsɛ kɛ ní lelɔ” ɔ nɛ a maa nyɛɛ asafo ɔ hɛ mi. (Mat. 24:45-47) Lɔ ɔ se ɔ, Yesu ngɔ nɔ́ hetomi ní komɛ kɛ tsu ní. Nɔ́ hetomi ní nɛ ɔmɛ kɔɔ nihi nɛ a ngɛ hɛ nɔ kami kaa a maa ya hiɔwe ɔ a he titli. (Mat. 25:1-30) Nyagbe ɔ, Kristo tsɔɔ kaa nihi nɛ a ngɛ hɛ nɔ kami kaa a maa hi zugba a nɔ ɔ maa ye bua e nyɛmimɛ ɔmɛ. (Mat. 25:31-46) Ezekiel gbami ɔ ngɛ mi bae ngɛ wɔ hu wa be nɛ ɔ mi. Kekleekle ɔ, e ngɛ mi bae ngɛ nihi nɛ a ngɛ hɛ kɛ nɔ fɔmi kaa a maa ya hiɔwe ɔ a blɔ fa mi. Behi fuu ɔ, wɛtso nyɔngma matsɛ yemi ɔ da we si kɛ ha nihi nɛ a ngɛ hɛ nɔ kami kaa a maa hi zugba a nɔ ɔ. Se kake peemi nɛ gbami ɔ tu he munyu ɔ haa nɛ wa kaiɔ kake peemi nɛ ngɛ nihi nɛ a ngɛ hɛ nɔ kami kaa a maa hi zugba a nɔ kɛ nihi nɛ a ngɛ hɛ nɔ kami kaa a maa ya hiɔwe ɔ a kpɛti ɔ.