Sisi Ningma

a E he wa kaa wa maa na nihi nɛ a peeɔ nɔ́ nɛ da ngɛ je yaya nɛ ɔ mi. Se kɛ̃ ɔ, mwɔnɛ ɔ, nihi ayɔhi abɔ ngɛ nɛ a peeɔ nɔ́ nɛ da, nɛ atsinyɛ jemi ko be he kaa mo hu o piɛɛ a he. Yehowa suɔ nɔ́ nɛ da. Nɛ akɛnɛ o suɔ Yehowa he je ɔ, mo hu o suɔ nɛ o maa pee nɔ́ nɛ da. Mɛni wa maa pee konɛ waa ya nɔ nɛ waa pee nɔ́ nɛ da be fɛɛ be? Ngɛ ní kasemi nɛ ɔ mi ɔ, wa ma susu nɔ́ nɛ e tsɔɔ ke a ke waa pee nɔ́ nɛ da, kɛ bɔ nɛ wa ma ná he se ha ke wa pee jã. Jehanɛ se hu ɔ, wa ma susu níhi nɛ wa ma nyɛ maa pee konɛ wa bua nɛ jɔ nɔ́ nɛ da peemi he wawɛɛ ɔ he.