Sisi Ningma

a Yesu ha nɛ kɔɔhiɔ ko nɛ nya wa kpa fiami, e tsa hiɔtsɛmɛ, nɛ e tle nihi nɛ a gbo ɔ si hulɔ. Ke wa kane nyakpɛ níhi nɛ Yesu pee ɔ a he ní ɔ, e haa nɛ wa bua jɔɔ. Se pi nɛ a ngma nyakpɛ ní nɛ ɔmɛ kɛ wo Baiblo ɔ mi konɛ waa kane nɛ wa bua nɛ jɔ pɛ kɛkɛ, mohu ɔ, a ngma konɛ a kɛ tsɔɔ wɔ ní. Ke wa ngɛ nyakpɛ ní nɛ ɔmɛ ekomɛ a he susue ɔ, wa maa kase ní komɛ ngɛ Yehowa kɛ Yesu a he nɛ maa wo wa hemi kɛ yemi ɔ mi he wami. Jehanɛ hu ɔ, wa maa na su komɛ nɛ a he hia nɛ e sa nɛ wa je kpo.