Sisi Ningma

f FONI Ɔ MI TSƆƆMI : Nyɛmimɛ yihi enyɔ nɛ a ngɛ sɔlee loko a ngma Sukuu Kɛ Ha Matsɛ Yemi Sane Kpakpa Fiɛɛli blɔ bimi womi ɔ nɔ ní. Pee se ɔ, a tsɛ nɔ kake kɛ ya sukuu ɔ, se nɔ kpa a lɛɛ a tsɛ we lɛ. Nyɛmiyo ɔ nɛ a tsɛ we lɛ ɔ kɔni mi jɔ̃ we, mohu ɔ, e sɔle ha Yehowa konɛ e ye bua lɛ nɛ e na blɔ kpahi a nɔ nɛ e ma nyɛ maa gu kɛ bli e sɔmɔmi ní tsumi ɔ mi. Lɔ ɔ se ɔ, e ngma sɛ womi kɛ ya ha asafo ɔ ní tsumi kɔni ɔ kaa e suɔ nɛ e ya ye bua ngɛ hehi nɛ fiɛɛli fuu a he hia ngɛ.