Hwɔɔmi Mɔ INTANƐTI NƆ NITO HE

Anɛ O Buu Wami Kaa Bɔ Nɛ Mawu Buu Wami ɔ Lo?

“Nyɛɛ To Nyɛ He Ngɛ Mawu Suɔmi ɔ Mi”
- 5, 6. Mɛni blɔ nɔ Mose Mlaa a tsɔɔ kaa muɔ ngɛ klɔuklɔu nɛ e he jua wa ngɛ? (Hyɛ daka nɛ ji, “Moo Bu Lohwehi A Wami.”)
  
  ⁵ Mose Mlaa a ma anɔkuale munyu enyɔ nɛ ɔmɛ a nɔ mi. Wa kaneɔ ngɛ 3 Mose 17:10, 11 ke: ‘Ke nɔ ko ye muɔ ɔ, ye hɛ maa dɔ kɛ wo jamɛ a nɔ ɔ. Ma je lɛ we, nɛ a ko bu lɛ ngɔ si ye ma mi bi ɔmɛ a nɔ hu. Muɔ ji nɔ́ nɛ haa he lo tsuaa he lo wami. Lɔ ɔ he nɛ Yehowa fã ke a ngɔ muɔ kɛ pue bɔ sami la tɛ ɔ nɔ nɛ a kɛ kpata a nɛ. Muɔ ji nɔ́ nɛ a kɛ kpataa, ejakaa wami ngɛ mi.’a Hyɛ daka nɛ ji, “Muɔ Ngɛ He Wami Nɛ A Kɛ Kpataa.”
  
  MUƆ NGƐ HE WAMI NƐ A KƐ KPATAA
  
  Ngɛ Mawu Munyu ɔ mi ɔ, a buu muɔ kaa wami. Enɛ ɔ he ɔ, ngɛ blema Israel ɔ, ke nɔ ko tɔ̃ Yehowa mlaa a nɔ nɛ e pia e he ɔ, yayami peelɔ ɔ ma nyɛ maa ngɔ lohwe kɛ sã afɔle ngɛ Mawu afɔle sami la tɛ ɔ nɔ, kɛkɛ ɔ, a be e tue gblae. (3 Mose 4:27-31) Afɔle sami nɛ ɔ haa e yayami ɔmɛ a nɔ be bɔɔ ko.
  
  Munyungu nɛ ji “kpatami” nɛ a kɛ tsu ní ngɛ Baiblo ɔ mi ɔ, tsɔɔ nɔ́ ko nɛ a kɛ “tsakeɔ” nɔ́ ko, loo nɔ́ ko nɛ a kɛ “haa” nɔ́ ko nɔ loo a kɛ buɔ nɔ́ ko nya kaa bɔ nɛ a ngɔɔ tsesi nya nɔ́ kɛ buɔ tsesi nya a. Ngɛ anɔkuale mi ɔ, a be nyɛe maa ngɔ lohwe kɛ “ha” adesahi a yayami nɔ, loo a kɛ kpata Mawu kɛ pi si. Se lohwehi nɛ a kɛ sã afɔle ngɛ blema Israel ɔ peeɔ kpatami afɔle nɛ hi kɛ pi si nɛ a maa sã a he okadi.—Hebri Bi 10:1, 4.
  
  A ngɔ kpatami nɔ́ nɛ ɔ kɛ ha benɛ Kristo “ngɔ e nɔmlɔ tso ɔ kɛ sã bɔ si kake too nyɔngloo nɛ e kɛ je wɔ tsuo wa he yayami” ɔ. (Hebri Bi 10:10) Kristo wami kaa adesa nɛ ye mluku, nɛ ngɛ kaa ‘to bi nɛ kpa aloo mu ko be e he,’ nɛ́ e muɔ nɛ he jua wa pee he okadi ɔ kɛ wami nɛ je Adam dɛ ɔ sɔ pɛpɛɛpɛ. (1 Petro 1:19) Lɔ ɔ he ɔ, Yehowa je suɔmi mi nɛ e ye dami sane kɛ pi si nɛ e kɛ ‘he wa yi wami kɛ yaa neneene.’—Hebri Bi 9:11, 12; Yohane 3:16; Kpojemi 7:14.

Anɛ O Buu Wami Kaa Bɔ Nɛ Mawu Buu Wami ɔ Lo?

“Nyɛɛ To Nyɛ He Ngɛ Mawu Suɔmi ɔ Mi”
- a Benɛ je mi si kpami he womi ko (Scientific American) ngɛ munyu nɛ Mawu tu kaa “muɔ ji nɔ́ nɛ haa he lo tsuaa he lo wami” ɔ mi tsɔɔe ɔ, e de ke: “E ngɛ mi kaa a kɛ muɔ peeɔ wami he okadi lɛɛ, se muɔ ji wami nitsɛnitsɛ: muɔ mi wami yiblii ɔmɛ tsuo he hia bɔ nɛ pee nɛ nɔ nɛ hi wami mi.”