-
Anɛ O Pee Klaalo Kaa O Ma Ha Nɛ A Baptisi Mo Lo?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
5. Moo ye níhi nɛ ma nyɛ maa tsi mo blɔ ngɛ baptisimi he ɔ nɔ
Wɔ tsuo waa kɛ nyagbahi kpeɔ ke wa ma wa juɛmi nya si kaa wa maa jɔɔ wa he nɔ ha Yehowa nɛ a baptisi wɔ. Ke o ngɛ hlae nɛ o na enɛ ɔ he nɔ hyɛmi nɔ́ ɔ, mo je VIDEO ɔ, nɛ nyɛ susu sane bimihi nɛ nyɛɛ se nɛ ɔmɛ a he.
Ngɛ video ɔ mi ɔ, mɛni blɔ tsimi níhi nɛ e ba biɔ nɛ Narangerel nɛ ye a nɔ konɛ e nyɛ nɛ e sɔmɔ Yehowa?
Mɛni blɔ nɔ nɛ suɔmi nɛ e ngɛ kɛ ha Yehowa a ye bua lɛ nɛ e ye blɔ tsimi ní nɛ ɔmɛ a nɔ?
Nyɛɛ kane Abɛ 29:25 kɛ 2 Timoteo 1:7, nɛ nyɛ susu sane bimi nɛ ɔ he:
Mɛni woɔ wɔ he wami nɛ wa nyɛɔ yeɔ blɔ tsimi níhi a nɔ?
-
-
O Ma Nyɛ Maa Da Yi Mi Wami NyaO Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
E sa nɛ wa ha nɛ hemi kɛ yemi nɛ wa ngɛ ngɛ Yehowa mi ɔ mi nɛ wa wawɛɛ amlɔ nɛ ɔ. Daa ligbi ɔ, mo hla be nɛ o kɛ sɔle ha Yehowa, nɛ́ o kane e Munyu ɔ. Moo ya asafo mi kpehi be fɛɛ be. Ní nɛ ɔmɛ nɛ o maa pee ɔ maa wo mo he wami konɛ o nyɛ nɛ o kɛ kã nɛ da yi mi wami nya, ke ji kaa o weku li lɛ a ngɛ mo yi mi wae po. Bɔfo Paulo nɛ a wa lɛ yi mi si abɔ ɔ ngma ke: “Yehowa ji ye yemi kɛ bualɔ; i be gbeye yee.”—Hebri Bi 13:6.
Fiɛɛmi nɛ wa maa fiɛɛ be fɛɛ be ɔ hu ma ha nɛ wa ná kã. Fiɛɛmi ní tsumi ɔ yeɔ bua wɔ nɛ wa ngɔɔ wa hɛ kɛ fɔɔ Yehowa nɔ, nɛ wa yi nimli a hɛ mi gbeye. (Abɛ 29:25) Ke o kase bɔ nɛ a kɛ kã fiɛɛɔ ha amlɔ nɛ ɔ, e maa ye bua mo nɛ o kɛ kã maa fiɛɛ ke ma nɔ yeli ɔmɛ tsi wa ní tsumi ɔ nya po.—1 Tɛsalonika Bi 2:2.
-