-
O Ma Nyɛ Maa Pee Yehowa HuɛO Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
6. Mɛni nɛ Yehowa peeɔ kɛ yeɔ bua e huɛmɛ?
Yehowa yeɔ bua e huɛmɛ konɛ a nyɛ nɛ a da nyagbahi a nya. Mo je VIDEO ɔ, nɛ nyɛ susu sane bimi nɛ ɔ he.
Be fɛɛ be nɛ yo ɔ ma kai níhi nɛ ya nɔ ngɛ e si himi mi ɔ, kɛ Yehowa yeɔ bua lɛ ha kɛɛ?
Nyɛɛ kane Yesaya 41:10, 13, nɛ nyɛ susu sane bimihi nɛ nyɛɛ se nɛ ɔmɛ a he:
Mɛni nɛ Yehowa wo si kaa e maa pee kɛ ha nihi tsuo nɛ a ji e huɛmɛ ɔ?
Anɛ o susu kaa Yehowa ji huɛ kpakpa lo? Mɛni he je nɛ o susu jã a?
Ke o hia yemi kɛ buami ɔ, o huɛmɛ nɛ a suɔ mo ɔ yeɔ bua mo. Yehowa hu maa ye bua mo jã nɔuu
-
-
Mɛni Blɔ Nɔ O Maa Gu Kɛ Fiɛɛ Sane Kpakpa a?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
3. Yehowa maa piɛɛ o he
Ni komɛ nɛ a suɔ nɛ a fiɛɛ ɔ ma nyɛ maa ye gbeye ngɛ bɔ nɛ nihi maa na mɛ ha, aloo bɔ nɛ nihi maa pee a ní ha a he.
Anɛ o yeɔ gbeye kaa o ma de ni kpahi níhi nɛ o kase ɔ lo? Mɛni he je?
Mo je VIDEO ɔ, nɛ nyɛ susu sane bimi nɛ ɔ he.
Kɛ niheyo ɔ kɛ yihewi ɔmɛ ngɛ video ɔ mi ɔ plɛ kɛ ye a gbeye yemi ɔ nɔ ha kɛɛ?
Nyɛɛ kane Yesaya 41:10, nɛ nyɛ susu sane bimi nɛ ɔ he:
Mɛni he je nɛ e sa nɛ o sɔle ke o ngɛ gbeye yee kaa o maa fiɛɛ ɔ?
Anɛ o le lo?
Yehowa Odasefohi fuu ngɛ nɛ be ko nɛ be ɔ, a susu kaa a be nyɛe maa fiɛɛ sane kpakpa a. Kaa nɔ hyɛmi nɔ́ ɔ, Sergey ji nɔ ko nɛ e susu kaa se nami be e he, nɛ e yeɔ ha lɛ kaa e kɛ ni kpahi maa sɛɛ ní. Se kɛ̃ ɔ, e ba kase Baiblo ɔ. E de ke: “E ngɛ mi kaa i ye gbeye mohu lɛɛ, se kɛ̃ ɔ, i kɛ nihi bɔni nɔ́ nɛ i ngɛ kasee ɔ he ní sɛɛmi. E pee mi nyakpɛ kaa níhi nɛ i kase ngɛ Baiblo ɔ mi, nɛ́ i kɛ ni kpahi sɛɛ he ní ɔ ha nɛ i ná kã wawɛɛ, nɛ ye nɔ gbagba te. Enɛ ɔ nɛ i pee ɔ wo ye hemi kɛ yemi ɔ mi he wami.”
-
-
Anɛ O Pee Klaalo Kaa O Ma Ha Nɛ A Baptisi Mo Lo?O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se
-
-
6. Mo ná nɔ mi mami kaa Yehowa maa ye bua mo
Yehowa maa ye bua mo nɛ o pee e suɔmi nya ní. Mo je VIDEO ɔ, nɛ nyɛ susu sane bimihi nɛ nyɛɛ se nɛ ɔmɛ a he.
Ngɛ video ɔ mi ɔ, mɛni he je nɛ e he wa ha Baiblo kaselɔ ɔ kaa e ma ha nɛ a baptisi lɛ ɔ?
Mɛni e kase nɛ́ lɔ ɔ ha nɛ hɛ kɛ nɔ fɔmi nɛ e ngɛ ngɛ Yehowa mi ɔ mi wa?
Nyɛɛ kane Yesaya 41:10, 13, nɛ nyɛ susu sane bimi nɛ ɔ he:
Mɛni he je nɛ o ma nyɛ ma ná nɔ mi mami kaa o ma nyɛ maa ye si nɛ o wo Yehowa benɛ o jɔɔ o he nɔ kɛ ha lɛ ɔ nɔ?
-