‘Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i náa e he tsui. Ma ngɔ ye mumi ɔ ke wo e mi, nɛ tue gblami nɛ i to ha ma je li ɔmɛ ɔ, e maa fiɛɛ kɛ tsɔɔ mɛ. E be pɛe; nɛ e be ngmlaa kpae, nɛ nɔ ko be e gbi nue ngɛ magbɛ nɔ hulɔ. Gla nɛ e mi dɔ momo ɔ, e be mi kue, nɛ kane nɛ ngɛ tsoe sulii ɔ, e be gbee. E ma tsu ní nɛ ɔ hluu kɛ yaa si e ma ha nɛ dami sane yemi ma he si. Nɛ ma je li tsuo maa ngɔ a hɛ kɛ fɔ e nɔ.’​​—Mateo 12:18-21; Yesaya 42:1-4.

Jehanɛ hu ɔ, Yesu hɛɛ sɛ gbi nɛ maa wo nihi nɛ a ní ngɛ mɔbɔ nɛ a ngɛ kaa gla nɛ e mi dɔ ɔ a bua. A ngɛ kaa kane nɛ ngɛ tsoe sulii, nɛ e miɔ nɛ e ma gbo. Yesu ku we gla nɛ e mi dɔ mi, nɛ e gbi kane nɛ ngɛ tsoe sulii hulɔ. Mohu ɔ, e je suɔmi mi nɛ e ye bua he si bali. Ngɛ anɔkuale mi ɔ, Yesu ji nɔ nɛ je ma amɛ tsuo ma nyɛ maa ngɔ a hɛ kɛ fɔ e nɔ kaa e maa ye bua mɛ!