• Mɛni Maa Ye Bua Mo Konɛ O Ya Nɔ Nɛ O Kase Baiblo ɔ?
    O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ O Ná He Se

    • 4. Ha nɛ Baiblo ɔ kasemi nɛ pee nɔ́ titli ngɛ o si himi mi

      Be komɛ ɔ, níhi fuu ngɛ nɛ e sa nɛ waa pee, nɛ lɔ ɔ haa nɛ wa nuɔ he kaa wa be deka náe kɛ kase Baiblo ɔ. Se mɛni maa ye bua wɔ? Nyɛɛ kane Filipi Bi 1:10, lɔ ɔ se ɔ, nyɛ susu sane bimihi nɛ nyɛɛ se nɛ ɔmɛ a he:

      • Mɛni ji ní komɛ nɛ o susu kaa a ji “níhi nɛ a he hia wawɛɛ” ngɛ si himi mi?

      • Mɛni o maa pee konɛ Baiblo ɔ nɛ o maa kase ɔ nɛ pee nɔ́ titli ngɛ o si himi mi?

      A. Foni Ɔmɛ: Fonihi nɛ kɔɔ goga nɛ a kɛ zia kɛ tɛhi wo mi ɔ he. 1. Zia nɛ a bua nya kɛ tɛ nguanguahi nɛ a bua nya. 2. Goga nɛ a kɛ zia wo mi nɛ e piɛ bɔɔ nɛ e ma hyi lɛ. 3. Tɛ ngua amɛ ekomɛ ngɛ zia a nɔ ngɛ goga a mi, nɛ ekomɛ hu pueɔ si ngɛ zugba. B. Foni Ɔmɛ: 1. Zia kɛ tɛ ngua amɛ nɔuu. 2. Goga a nɛ a kɛ tɛ ngua amɛ wo mi. 3. Zia a kɛ tɛ ɔ ya goga a mi, nɛ e piɛ zia a bɔɔ ko.

      1. Ke o ngɔ zia kɛ wo goga mi nɛ o bɔ mɔde kaa o maa ngɔ tɛhi hu kɛ wo mi ɔ, tɛ ɔmɛ be blɔ náe

      2. Se ke o ngɔ tɛ ɔmɛ kɛ wo mi kekle ɔ, zia a maa na blɔ. Jã nɔuu kɛ̃ nɛ ke o ngɔ “níhi nɛ a he hia wawɛɛ” ɔmɛ kɛ ye kekle blɔ he ngɛ o si himi mi ɔ, o ma ná be kɛ pee ní kpahi nɛ piɛ ɔ

      Mawu bɔ wɔ konɛ waa le lɛ, nɛ wa ja lɛ. Ja wa kase Baiblo ɔ loko wa ma nyɛ maa pee jã. Nyɛɛ kane Mateo 5:3, nɛ nyɛ susu sane bimi nɛ ɔ he:

      • Ke wa ha nɛ Baiblo ɔ kasemi pee nɔ́ titli ngɛ wa si himi mi ɔ, kɛ wa ma ná he se ha kɛɛ?