Falifali Peemi—Mɛni Heje E He Hia?

Nyɛɛ da sane bimi nɛ ɔmɛ a nɔ kɛ sɛsɛ munyu nɛ ngɛ December 1, 2008, Watchtower, bafa 9-12 ɔ he.

(Daka nɛ ngɛ bafa 9) (a) Mɛni ji ní komɛ nɛ ngɔɔ mu kɛ baa wa si himi mi, nɛ mɛni heje e ji hɛdɔ nɔ́? (b) “Ohia ma nyɛ maa tsi falifali peemi nya.” Anɔkuale loo Lakpa? (d) Mɛni heje ohia pi nya jemi ha Mawu jali ngɛ falifali peemi he? (1-4) Mɛni ji ní komɛ nɛ binyɛmɛ ma nyɛ maa pee bɔnɛ pee nɛ a weku ɔ nɛ ná nɔmlɔtso mi he wami, nɛ mɛni weku ɔ mi nɔ tsuaa nɔ ma nyɛ maa pee kɛ ye bua? (Daka nɛ ngɛ bafa 10) Mɛni blɔ nɔ sisi tomi mlaahi nɛ ngɛ ngmami nɛ ɔmɛ a mi ɔ ma nyɛ maa ye bua wɔ konɛ waa po wa he piɛ kɛ je hiɔ he? (Foni nɛ ngɛ bafa 10) Mɛni ji nɔ́ nɛ bafa nɛ ɔ mi foni ɔmɛ eko tsuaa eko tsɔɔ wɔ? (5) Mɛni ji yi mi tomi titli heje nɛ e sa kaa Yehowa Odasefoli nɛ a pee falifali? (6, 7) Mɛni heje e sa kaa weku ɔ tsuo nɛ ye bua, nɛ mɛni blɔ pɔtɛɛhi a nɔ nɔ tsuaa nɔ ma nyɛ maa ye bua ngɛ? (Daka nɛ ngɛ bafa 11) Mɛni ji ní komɛ nɛ́ dɔkita ko tsɔɔ kaa e sa nɛ weku ɔ mi bi tsuo nɛ pee, nɛ mɛni heje? (8, 9) Mɛni wa ma nyɛ maa pee konɛ wa we mi, agbo nya, kɛ tsu se tsuo nɛ pee falifali? (10, 11) (a) Mɛni blɔ nɔ wa nɔmlɔtso ɔ he nɛ ma tsɔ ɔ maa wo Mawu hɛ mi nyami? Ha nɔhyɛ nɔ́. (b) Mɛni blɔ nɔ Bethel peeɔ nɔhyɛ nɔ́ kpakpa ha Mawu webi tsuo? (w89 6/1 bf. 16-17, kk. 7-9.) (d) Mɛni heje e he hia wawɛɛ kaa wa he ma tsɔ kɛ ya Kristofoli a kpehi kɛ fiɛɛmi? (12) Mɛni Yehowa ngɛ hlae ngɛ wa dɛ? (13) Mɛni blɔ nɔ tade su slɔɔtoslɔɔtohi a he munyu nɛ Baiblo ɔ tu ɔ maa bɔnɛ Yehowa buɔ he tsɔmi ha a nɔ mi? (14) Mɛni wa ma nyɛ maa hyɛ blɔ hwɔɔ se?

Mi Nylɔmi:

◼ Mɛni blɔ nɔ munyu nɛ ɔ ma nyɛ maa ye bua mo ngɛ we mi, sukuu, kɛ o daa ligbi ní peepeehi a mi?

◼ Kɛ e sa kaa munyu nɛ ɔ nɛ sa o su ngɛ Matsɛ Yemi Asa a nɔ dlami he kɛɛ?

◼ Mɛni blɔ nɔ wa ma nyɛ maa ngɔ munyu nɛ ɔ kɛ tsu ní benɛ wa ya Kristofoli a kpe nguahi kɛ kpe wawihi?