Jeha 2011 Calendar a tu Weku Mawu Jami He Munyu

Jeha 2011 Calendar of Jehovah’s Witnesses ɔ tu Weku Mawu Jami he munyu. Calendar a tu wa mwɔnɛmwɔnɛ ɔ be mi wekuhi kɛ wekuhi nɛ a hi si ngɛ blema be ɔ mi ɔ a he munyu. Jehanɛ se hu ɔ, o maa na fonihi ngɛ mi nɛ tsɔɔ Yehowa sɔmɔli nɛ a sɛ gba si himi mi kɛ ni nɛmɛ nɛ a sɛ we gba si himi mi nɛ a ngɛ e Munyu ɔ kasee.

Nihi nɛ Baiblo ɔ tu a he munyu nɛ a fonihi ngɛ calendar a se ɔ bua jɔ Yehowa mlaa a he, nɛ lɔɔ lɛ ha nɛ a nyɛ nɛ a da haomihi nɛ a kɛ kpe ɔ a nya a nɛ. (La 1:2, 3) Ke wa ngɛ weku nɛ kle mi jio, wa ngɛ weku nɛ klee we mi jio, wa ngɛ weku nɛ e mi bimɛ tsuo jaa Yehowa mi jio, wa ngɛ weku nɛ e mi bimɛ komɛ ja we Yehowa mi jio ɔ, ke wa susu foni nɛ ɔmɛ eko tsuaa eko he ɔ, lɔɔ ma ha nɛ wa maa na bɔnɛ Weku Mawu Jami ɔ he hia ha. He ko ngɛ calendar a nɔ nɛ o maa ngma ligbi nɛ o weku ɔ kɛ peeɔ nyɛ Weku Mawu Jami ɔ ngɛ. Anɛ o ngma ligbi nɛ nyɛɛ kɛ peeɔ nyɛ nɔ́ ɔ ngɛ lejɛ ɔ momo lo?