La 33
Nyɛ Ko Ye Mɛ Gbeye!
1. Ye webi, nyɛɛ ya nyɛ hɛ mi,
Nyɛɛ jaje sane kpakp’a.
Nyɛ ko ye Satan gbeye.
Nyɛ ha nimli tsuo nɛ le
Kaa Kristo Yesu ngɛ tsɛ yee,
E sake Satan fɔ he,
E be kɛe, e maa fi Satan,
Nɛ nimli maa ye a he.
(NƆ HEMI)
Ye suɔ-li, nyɛ ko ye gbe-ye,
A be nyɛe nɔ́ ko maa pee.
Ma bu ye sɔ-mɔ-li a he
A he jua wa kɛ ha mi.
2. Nyɛ he nyɛli a he maa hiɛ,
A maa wo nyɛ he gbeye,
A maa pee kaa a suɔ nyɛ,
Konɛ a kɛ sisi nyɛ.
A maa wa nyɛ yi mi mohu,
Se nyɛ ko ye mɛ gbeye,
Ma baa ye sɔmɔli a yi
Nɛ a maa ye kunimi.
(NƆ HEMI)
Ye suɔ-li, nyɛ ko ye gbe-ye,
A be nyɛe nɔ́ ko maa pee.
Ma bu ye sɔ-mɔ-li a he
A he jua wa kɛ ha mi.
3. Ye hɛ ngɛ nyɛ nɔ be tsuaa be;
Ma wo nyɛ he wami daa.
Ke nyɛ gbo amlɔ n’ɔ po,
Ma tle nyɛ si ekohu.
Koo ye nɔ nɛ gbeɔ nɔmlɔtso
Se e gbi klaa gbeye fɛɛ.
Ye anɔkuale kɛ pi si;
Ma ha o maa hi si daa!
(NƆ HEMI)
Ye suɔ-li, nyɛ ko ye gbe-ye,
A be nyɛe nɔ́ ko maa pee.
Ma bu ye sɔ-mɔ-li a he
A he jua wa kɛ ha mi.
(Moo hyɛ 5 Mose 32:10; Neh. 4:14; La 59:1; 83:2, 3 hulɔ.)