Nihewi Kɛ Zangmawi Biɔ Ke—Mɛni Blɔ Nɔ Ma Gu Kɛ Ná Huɛ Kpakpahi?
Yehowa bɔ adesahi nɛ a kɛ a sibi nɛ sɛɛ ní nɛ́ a bɔ huɛ. (Abɛ 17:17; 18:1, 24) Bɔnɛ pee nɛ wa ná huɛ bɔmi nɛ ɔ he se ɔ, e sa kaa waa hyɛ nihi nɛ waa kɛ mɛ maa bɔ huɛ ɔ saminya. (Abɛ 13:20) Ke o hyɛ video nɛ ji, Young People Ask—How Can I Make Real Friends? ɔ ta a, hyɛ kaa o ma nyɛ ma ha sane bimi nɛ ɔmɛ a heto lo?
Nya Blimi Munyu:
(1) Mɛnɔ ji huɛ kpakpa?
Níhi Nɛ Tsiɔ Huɛ Bɔmi Nya:
(2) Kɛ o maa pee kɛɛ konɛ o ye he numi kaa nihi kua mo ɔ nɔ? (Filip. 2:4) (3) Mɛni heje nɛ e sa kaa wa tsake wa su, nɛ mɛnɔ ma nyɛ maa ye bua wɔ konɛ waa pee jã? (2 Kor. 13:11) (4) Kɛ o maa pee kɛɛ konɛ o ná huɛmɛ babauu?—2 Kor. 6:13.
Mawu Nɛ A Kɛ Maa Bɔ Huɛ:
(5) Kɛ wa maa pee kɛɛ nɛ wa ha huɛ bɔmi kpakpa nɛ hi waa kɛ Yehowa wa kpɛti, nɛ mɛni heje nɛ se nami ngɛ he ɔ? (La 34:8) (6) Ke waa kɛ Yehowa pee wa huɛ nɛ se be ɔ, kɛ e maa sa waa kɛ ni kpahi a huɛ bɔmi he ha kɛɛ?
Huɛ Yaya Bɔmi:
(7) Mɛnɔmɛ ji huɛ yayahi? (1 Kor. 15:33) (8) Mɛni blɔ nɔ nɛ huɛ yaya bɔmi ma ha nɛ nɔ ko hɛ mi ma kpata ngɛ mumi mi ngɛ?
Mwɔnɛ ɔ Be Mi Drama:
(9) Mɛni ji nɔ́ nɛ Baiblo mi munyu nɛ kɔɔ Dina he ɔ tsɔɔ wɔ? (1 Mose 34:1, 2, 7, 19) (10) Mɛni Tara kɛ je e nya ngɛ nihewi kɛ yihewi nɛ ngɛ je ɔ mi nɛ e kɛ mɛ bɔɔ ɔ he? (11) Mɛni oslaa nɛ Tara huɛmɛ ngɛ sukuu ɔ kɛ lɛ wo mi? (12) Mɛni heje nɛ Tara fɔli nɛ́ oslaa nɛ e ya je mi ɔ, se mɛni su a je kpo benɛ a ngɛ yee kɛ ngɛ lɛ buae konɛ e dla e kɛ Yehowa a kpɛti huɛ bɔmi ɔ? (13) Mɛni nyɛmiyo blɔ gbalɔ ko pee kɛ tsɔɔ kaa e ji Tara huɛ kpakpa? (14) Mɛni ji nɔ́ nɛ Tara kase?
Nya Mwɔmi:
(15) Mɛni níhi o kase kɛ je video nɛ ɔ mi? (16) Mɛni blɔ nɔ o maa gu konɛ o kɛ video nɛ ɔ nɛ ye bua ni kpahi?
Nyɛ ha nɛ waa hla huɛmɛ nɛ maa ye bua wɔ konɛ waa hɛɛ huɛ bɔmi nɛ pe kulaa nɛ ji, Mawu nɛ a kɛ maa bɔ huɛ ɔ mi!—La 15:1, 4; Yes. 41:8.