Israel Ma a Hɛ Je Yehowa Nɔ

Yehowa ha Yeremia ní tsumi ko nɛ he wa. E ji ní tsumi ko nɛ ma ha nɛ Yerusalem kɛ Yuda ma amɛ nɛ a woɔ a he nɔ ɔ maa na kaa Yehowa fia e pɛɛ si kaa e ma kpata a hɛ mi.

Yeremia ya he kploba mlɛ mi fimi nɔ́

13:1, 2

• Jinɛ Yehowa suɔ kaa huɛ bɔmi gbagbanii nɛ hi e kɛ e ma a kpɛti kaa bɔ nɛ a kɛ mlɛ mi fimi nɔ́ fiɔ mlɛ mi ɔ

Yeremia ngɔ mlɛ mi fimi nɔ́ ɔ kɛ ho Yufrate Pa a nya ya

13:3-5

• E kɛ ya laa ngɛ tɛ sa komɛ a kpɛ, nɛ e kpale kɛ ho Yerusalem ya

Yeremia kpale kɛ ho Yufrate Pa a Nya ya konɛ e ya wo mlɛ mi fimi nɔ́ ɔ

13:6, 7

• Mlɛ mi fimi nɔ́ ɔ puɛ

Benɛ Yeremia tsu ní tsumi nɛ Yehowa ha lɛ ɔ ta a, Yehowa tsɔɔ lɛ nɔ́ he je nɛ e ha nɛ e tsu jamɛ a ní tsumi ɔ

13:8-11

• Eko ɔ, nihi ma susu kaa ní tsumi nɛ Yeremia tsu ɔ he hia we. Se e tsui mi nɛ e je kɛ tsu ní tsumi ɔ ye bua ma mi bi ɔmɛ nɛ a nu Yehowa sɛ gbi ɔ sisi