Mɛni He Je Nɛ O Bua Jɔ Anɔkuale Jami He ɔ?

Ezekiel nina nɛ kɔɔ sɔlemi we ɔ he ɔ wo Yuda bi nɛ a nuu mɛ nyɔguɛ ɔ he wami ejakaa e ha nɛ a ná nɔ mami kaa a maa to anɔkuale jami sisi ekohu. Ngɛ nyagbe ligbi nɛ ɔmɛ a mi ɔ, anɔkuale jami maa si ngɛ ‘yoku nɛ ya hiɔwe gojoo pe yoku ɔmɛ tsuo yi mi.’ Wa piɛɛ nihi nɛ a je je mahi tsuo a mi, nɛ a bu yuu kɛ ba yoku ɔ nɔ ɔ a he. (Yes 2:2) Amlɔ nɛ ɔ nɛ o ba le Yehowa, nɛ o ngɛ lɛ sɔmɔe ɔ, anɛ o pueɔ o yi mi tɛ ngɛ he blɔ nɛ ɔ nɛ o ná a he lo?

JƆƆMIHI NƐ WA NÁA NGƐ ANƆKUALE JAMI MI:

• 

  Mawu he níhi nɛ wa kaseɔ ɔ yeɔ bua wɔ nɛ wa náa sane bimihi nɛ a he hia a a heto. E haa nɛ wa si himi peeɔ kpakpa, nɛ wa náa hɛ nɔ kami nitsɛnitsɛ.​​—Yes 48:17, 18; 65:13; Rom 15:4

• Wa ngɛ nyɛmimɛ babauu ngɛ je kɛ wɛ nɛ a suɔ wɔ, nɛ wɔ hu wa suɔ mɛ.​​—La 133:1; Yoh 13:35

• Wa ná he blɔ nɛ waa kɛ Yehowa ngɛ ní tsumi nɛ ngɛ bua jɔmi tsue.​​—Níts 20:35; 1Kor 3:9

• “Mawu he jɔmi” ɔ woɔ wɔ he wami ngɛ haomi behi a mi.​​—Flp 4:6, 7

• Wa ná he nile kpakpa.​​—2Tim 1:3

• ‘Wa ba pee Yehowa huɛmɛ.’​​—La 25:14

Mɛni ma nyɛ ma pee kɛ tsɔɔ kaa ye bua jɔ anɔkuale jami he wawɛɛ?