Wa He Nɛ Maa Be Ngɛ Fiɛɛmi Ní Tsumi ɔ Mi​—Moo Ye Bua ‘Su Kpakpatsɛmɛ’ Nɛ A Ba Pee Kaseli

NƆ́ HE JE NƐ E HE HIA: Yehowa haa nɛ anɔkuale wu ɔ waa ngɛ nihi nɛ a ngɛ “su kpakpa nɛ ma ha nɛ a ná neneene wami ɔ” a tsui mi. (Nít 13:48; 1Ko 3:7) Ke wa bɔɔ mɔde kaa wa maa ye bua nihi nɛ a bua jɔ munyu ɔ he ngɛ fiɛɛmi ní tsumi ɔ mi ɔ, lɔ ɔ tsɔɔ kaa waa kɛ Yehowa ngɛ ní tsue. (1Ko 9:26) E sa nɛ waa ye bua mɛ nɛ a nu sisi kaa loko a ma ná neneene wami ɔ, e he hia nɛ a baptisi mɛ kaa Kristofohi. (1Pe 3:21) Wa yeɔ bua nihi nɛ waa kɛ mɛ kaseɔ Baiblo ɔ konɛ a pee tsakemihi ngɛ a si himi mi, a fiɛɛ, a tsɔɔ ni kpahi ní, nɛ a jɔɔ a wami nɔ kɛ ha Yehowa. Blɔ nɛ ɔmɛ a nɔ nɛ wa guɔ kɛ peeɔ mɛ kaseli.​—Mat 28:19, 20.

BLƆ NƆ NƐ O MAA GU KƐ PEE:

• Mo ha nɛ o Baiblo kaseli ɔmɛ nɛ a nu sisi kaa yi mi tomi nɛ ngɛ ní kasemi ɔ he ji kaa e ye bua mɛ konɛ a ‘ba le’ Yehowa nɛ a pee e suɔmi nya ní.​—Yo 17:3

• Moo ye bua mɛ nɛ a ya a hɛ mi ngɛ Mawu jami mi kɛ gu blɔ tsimi níhi nɛ a ma je kɛ je a blɔ mi ɔ nɔ. Ekomɛ ji jemi bami yayamihi kɛ huɛ yaya bɔmi

• Moo wo mɛ he wami kɛ ya si benɛ a maa baptisi mɛ, nɛ ke a baptisi mɛ se hu ɔ, yaa nɔ nɛ o pee jã.​—Nít 14:22

NYƐƐ HYƐ VIDEO NƐ JI YEHOWA MAA YE BUA MO, LƆ Ɔ SE Ɔ, NYƐ HA SANE BIMI NƐ NYƐƐ SE NƐ ƆMƐ A HETO:

• Mɛni ji ní komɛ nɛ ma nyɛ ma ha nɛ nɔ ko maa ye gbeye kaa e maa jɔɔ e wami nɔ ha Yehowa nɛ a baptisi lɛ?

• Mɛni asafo mi nikɔtɔmahi ma nyɛ maa pee kɛ ye bua Baiblo kaseli konɛ a ya a hɛ mi ngɛ Mawu jami mi?

• Mɛni Yesaya 41:10 a tsɔɔ wɔ ngɛ Yehowa he?

• E ngɛ mi kaa wa yi mluku mohu lɛɛ, se mɛni suhi maa ye bua wɔ konɛ Yehowa nɛ kplɛɛ sɔmɔmi nɛ waa kɛ haa lɛ ɔ nɔ?