Moo Ya O Hɛ Mi!

1. Moo ya o hɛ mi, o nane nɛ pi si!

Ha anɔkuale la nɛ kpɛ kɛ ha nimli tsuo.

Ha o fiɛɛmi ní tsumi nɛ e nu tso;

Mawu maa jɔɔ mo wawɛɛ.

Nɔ fɛɛ nɔ ma nyɛ ma tsu eko.

Kristo Yesu hu tsu eko hyɛ.

Moo ngɔ o hɛ kɛ fɔ Yehowa nɔ daa,

Pee nɔ́ nɛ da be tsuaa be.

2. Moo ya o hɛ mi, ye odase kɛ kã!

Moo ya nɔ, fiɛɛ sane kpakpa kɛ tsɔɔ nimli tsuo.

Wa jeɔ Matsɛ Yehowa, wa Mawu yi,

Wa fiɛɛɔ ngɛ wehi a mi.

He nyɛli maa wo wa he gbeye.

Koo ye gbeye, yaa nɔ nɛ o fiɛɛ;

Ha a le kaa Mawu Matsɛ Yemi ba.

Moo fiɛɛ anɔkuale’ɔ daa.

3. Moo ya o hɛ mi, moo kpale kɛ ya slaa

Nimli nɛ a bua jɔ munyu’ɔ he,

pee kaseli.

Yaa o hɛ mi, ha mumi nɛ wo mo kã,

Mo ná bua jɔmi nitsɛ.

Suɔ nimli nɛ o kɛ kaseɔ ní.

Tsɔɔ mɛ ní nɛ e sɛ a tsui mi.

Moo ye bua mɛ nɛ a ya a hɛ mi daa,

Anɔkuale la ma kpɛ.