Moo Kase Ní Saminya Konɛ O Hɛ Nɛ Kã Si

Kane Daniel 9:​1-19 ɔ konɛ o na bɔ nɛ ke o kaseɔ ní wawɛɛ ɔ, e maa ye bua mo ha.

Moo kase babauu kɛ kɔ sane ɔ he. Mɛni ji ní komɛ nɛ ya nɔ, nɛ kɛ e sa Daniel he ha kɛɛ? (Dan. 5:29–6:5) Ke mo ji Daniel ɔ, kɛ o ko nu he ha kɛɛ?

Mo hla níhi a mi fitsofitso. ‘Womi klɔuklɔuhi’ te nɛɛ lɛ eko ɔ, Daniel kane? (Dan. 9:2; w11-E 1/1 22 ¶2) Mɛni he je nɛ Daniel jaje e kɛ Israel ma a tsuo a he yayami ɔ? (3 Mose 26:​39-42; 1 Ma. 8:​46-50; dp 182-184) Mɛni he je nɛ sɔlemi nɛ Daniel sɔle ɔ tsɔɔ kaa e kaseɔ Mawu Munyu ɔ saminya a?—Dan. 9:​11-13.

Mo susu níhi nɛ o kase ɔ he nɛ o kɛ tsu ní. Bi o he ke:

• ‘Mɛni ma nyɛ ma pee konɛ níhi nɛ ngɛ nɔ yae ngɛ je ɔ mi ɔ nɛ ko gbla ye juɛmi?’ (Mika 7:7)

• ‘Ke i kaseɔ Mawu Munyu ɔ saminya kaa bɔ nɛ Daniel pee ɔ, kɛ e maa ye bua mi ha kɛɛ?’ (w04-E 8/1 12 ¶17)

• ‘Mɛni ji munyu komɛ nɛ ke i kase a he ní ɔ, e maa ye bua mi nɛ ma “ya nɔ nɛ ma hwɔɔ”?’ (Mat. 24:​42, 44; w12-E 8/15 5 ¶7-8)