LES 48

Kies jou vriende wyslik

Gedrukte weergawe

Goeie vriende dra by tot ons geluk gedurende goeie tye, en hulle versterk ons gedurende moeilike tye. Maar die Bybel waarsku ons dat nie almal ’n goeie vriend is nie. So hoe kan jy goeie vriende kies? Kyk na die volgende vrae.

1. Hoe sal die vriende wat jy kies, jou affekteer?

Ons word gewoonlik soos die mense met wie ons tyd spandeer. Dit kan ’n goeie of ’n slegte ding wees – en dit is waar of ons nou tyd saam met hulle in persoon of op die Internet spandeer. Soos die Bybel sê: “Die een wat met wyse persone assosieer, sal wys word, maar dit sal sleg gaan met die een wat met dwase [dit wil sê mense wat nie lief is vir Jehovah nie] te doen het” (Spreuke 13:20). Vriende wat lief is vir Jehovah en hom aanbid, kan jou help om na aan hom te bly en om goeie besluite te maak. Maar goeie vriende wat nie lief is vir Jehovah nie, kan veroorsaak dat ons van hom af wegdryf. Daarom moedig die Bybel ons aan om ons vriende wyslik te kies! Wanneer ons vriende lief is vir God, sal hulle ’n goeie invloed op ons hê en sal ons ’n goeie invloed op hulle hê. Ons kan “mekaar [aanmoedig] en mekaar [opbou]”. – 1 Tessalonisense 5:11.

2. Hoe sal die vriende wat jy kies, Jehovah affekteer?

Jehovah kies sy vriende versigtig. “Hy is ’n goeie vriend van dié wat reg lewe” (Spreuke 3:32). Hoe sal Jehovah voel as ons vriende kies wat nie lief is vir hom nie? Hy sal baie teleurgesteld wees! (Lees Jakobus 4:4.) Maar Jehovah sal bly wees en sal ons as sy vriende kies as ons wegbly van slegte vriende en nader kom aan hom en aan dié wat lief is vir hom. – Psalm 15:1-4.

SOEK DIEPER

Leer hoekom dit so belangrik is om die regte vriende te kies, en kyk hoe jy vriendskappe kan opbou wat regtig goed sal wees vir jou.

3. Wees versigtig dat jy nie die verkeerde vriende kies nie

Mense wat nie lief is vir God en sy standaarde nie, is nie goeie vriende nie. Speel die VIDEO, en bespreek dan die volgende vraag.

VIDEO: Leer hoe om slegte assosiasie te verwerp (6:17)

Hoe kan ons met die verkeerde mense vriende begin maak sonder om dit te besef?

Lees 1 Korintiërs 15:33, en bespreek dan hierdie vrae:

Watter soort persoon kan vir jou slegte assosiasie wees? Hoekom?

Lees Psalm 119:63, en bespreek dan hierdie vraag:

Waarna moet jy in ’n vriend soek?

’n Bak appels. ’n Vrot appel lok vlieë en maak die ander appels vrot. — Een vrot appel kan die res vrot maak. Hoe kan een slegte vriend jou affekteer?

4. Mense wat anders as ons is, kan ons goeie vriende word

Die Bybel praat van Dawid en Jonatan, twee mans in eertydse Israel. Jonatan was baie ouer as Dawid en was die koning se seun, maar tog het hulle ’n wonderlike vriendskap gehad. Lees 1 Samuel 18:1, en bespreek dan hierdie vraag: