Nawˇ Yeˬhawˇbaˬ nui ma tsaˬ˗eu jeˬ˗ahˇ mˇ ma loˇ?

Yeˬhawˇbaˬ˗euˬ Saˇ kiˇ deuˬ˗euˬ gaˇ kawˆ, nga maꞈ˗euˬ mˇ jeˬ shaˇ kawˆ, nga maꞈ aˇ maˬ aˇ muˇ˗euˬ gaˇ kawˆ˗ahˇ siˬ nya laˇ ni, paˇ dmˬ heu dmˬ˗ahˇ aˇ yamˬ yuˇ˗awˇ neh poˆ tseˇ nehˬ laꞈ˗euˬ miˇ neh guiˬ lahˬ huiˬ ma. Nymˇ iˬ nah nga maꞈ Yeˬhawˇbaˬ˗euˬ nui ma˗ahˇ tsaˬ ni mˇ luꞈ˗eu deuˬ pyeuꞈ nga lehˇ, nawˬ˗ahˇ siˬ leˇ ni paˇ dmˬ heu dmˬ caw ba nehˬ nya tehꞈ˗a lehˇ, nga maꞈ noeˬ tmˬ˗eu ma. Miˬyehˇ˗euˬ zaˬ siˬ nui gahˇ deuˬ˗ahˇ dzaw geuꞈ˗awˇ, ya siˬ nya˗euˬ jeˬ, nawˬ˗euˬ nymˇ jiˇ hawˇ˗eu nawˬ˗euˬ cawˬ deuˬ˗ahˇ ja mehˬ nehˬ˗awˬ. Nga maꞈ Ka li zaˬ deuˬ bawˬ dzaˬ ngeh, nga maꞈ nehˬ˗ehˇ cawˬ cawˬ taꞈ le˗awˬ lehˇ, nawˬ˗ahˇ gʼaˬ biꞈ mawꞈ miˇ˗a.—Heˬbyehˇ 10:23-25.

Yeˬhawˇbaˬ˗euˬ gaˇ kawˆ ngehˬ˗ehˇ siˬ nya laˇ naˇ ngehˬ˗ehˇ, aˬ yawꞈ nawˬ˗ahˇ aˇ naˆ ni gaˬ˗eu nga lehˇ ya mawˇ meh. Nawˇ kʼawꞈ ni Miˬyehˇ˗ahˇ gaˬ miˇ˗a lehˇ, kʼaˇ gʼeh nya gaˇ neh mˇ mawˇ˗eu gʼaˇ duˬ, Miˬyehˇ nawˬ˗euˬ nui ma˗ahˇ laˆ noeˬ nehˬ laꞈ tehꞈ˗a.(1 Yoˇhaˬ 4:8-10, 19) Yawˬ nah na luꞈ nawˇ Miˬyehˇ˗ahˇ gaˬ miˇ˗a lehˇ, aˬ joˆ˗ehˇ mˇ mawˇ nehˬ nmˇ? Miˬyehˇ˗euˬ dawˬ˗ahˇ naˇ haˬ˗awˇ caw teh˗eu heu, nawˬ˗euˬ gʼaˇ duˬ aˬ jeˬ gaˇ dahˇ tsoeˬ˗eu nga? Nga maꞈ nehˬ˗ehˇ Miˬyehˇ nui ma tsaˬ˗eu jeˬ˗ahˇ mˇ mawꞈ ni, aˬ jeˬ nga nawˬ˗ahˇ caw ba nehˬ˗eu? Gaˇ kawˆ heu deuˬ˗ahˇ siˬ nya laˇ ni, nawˬ˗ahˇ Jaˇliꞈ dzaw mehˬ nehˬ˗eu gʼaˬ paˇ caw ba nehˬ laꞈ tehꞈ˗a. Nawˇ hawˇ˗eu nawˬ˗euˬ nymˇ jiˇ “Miˬyehˇ˗euˬ gʼoeˇ˗eu gaˬ˗eu laꞈ kʼoeˇ jawˇ ziꞈ˗awˬ, Mˬ maˬ maˬ byaˆ zaˇ ziˇ dehꞈ˗eu jeˬ za ni.”—Yuˇdaˆ 21.