Nawˇ ‘shiˬ shaˬ mawˇ do laꞈ kʼoeˇ˗euˬ aˬ gah’ ahˇ kʼawꞈ, gʼaˬ leˇ nya

Shaˬ dui dui˗eu aˇ saˬ saˬ˗eu aˇ yamˬ heu laꞈ kʼoeˇ, Miˬyehˇ˗euˬ gaˇ mˇ zaˬ yawˬ gʼaˬ na luꞈ˗ahˇ bi shaˬ˗eu, aˬ gah loꞈ˗ehˇ gʼeh˗eu gaˇ kawˆ gʼawˬ mya jeˬ jaˆ˗eu meh. (2 Tiˆ 3:1) Aˬ dui Yeˬhawˇbaˬ˗ahˇ gʼoe˗awˇ shaˬ zahˬ heu deuˬ˗ahˇ aˬ joˆ˗ehˇ kamˬ daˬ coeˇ˗eu nga? Myaˆ behꞈ mawˇ nya laˇ lehˇ ehˇ˗eu biˬdiˬoˬ pah. Tehˇliˬdaˬ Ehˇ˗oˇnaˬshiˬ hawˇ˗eu aˬ yawꞈ˗euˬ aˬ da aˬ ma shaˬ zahˬ˗ahˇ aˬ joˆ˗ehˇ kamˬ daˬ coeˇ˗euˬ nga lehˇ haw˗awˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Tehˇliˬdaˬ˗euˬ ‘shiˬ shaˬ mawˇ do laꞈ kʼoeˇ˗euˬ aˬ gah’ aˬ jeˬ nga?

• Tehˇliˬdaˬ hawˇ˗eu aˬ yawꞈ˗euˬ aˬ da aˬ ma˗ahˇ yaw muiˬ paw haw nya ni caw ba nehˬ˗eu, Jaˇliꞈ laꞈ kʼoeˇ˗euˬ saˇ jaˇ dawˬ aˬ geu hmˬ nga?

• Tehˇliˬdaˬ˗euˬ aˬ da aˬ ma Tehˇliˬdaˬ myaˆ nuiˆ pehꞈ˗awˇ tiˬ kʼehˬ naˇ, Yeˬhawˇbaˬ˗ahˇ aˬ joˆ˗ehˇ nui ma taˬ˗euˬ nga?

• Tehˇliˬdaˬ˗euˬ aˬ da aˬ ma, aˬ yawꞈ nyaꞈ˗euˬ aˬ buˇ Miˬyehˇ˗ahˇ bi gaˬ˗eu gʼaˇ duˬ, aˇ maꞈ aˇ muˇ neh jahˇ doˆ laꞈ˗euˬ jeˬ˗ahˇ aˬ joˆ˗ehˇ zmˬ˗euˬ nga?

• Tehˇliˬdaˬ ‘shiˬ shaˬ mawˇ do laꞈ kʼoeˇ˗euˬ aˬ gah’ ahˇ kʼawꞈ, nui jah paw huiˬ laˇ mahˇ laˇ˗eu lehˇ aˬ joˆ˗ehˇ siˬ laˇ˗eu nga?

• Tehˇliˬdaˬ˗euˬ gaˇ kawˆ nawˬ˗ahˇ gʼaˬ aˬ joˆ˗ehˇ biꞈ nya?