Yawˬ haˇ yawˬ ha Jaˇliꞈ pyehˆ tseˇ˗eu jeˬ yaw muiˬ˗ehˇ jahˇ nya˗eu jawˇ duˬ poˆ

Yawˬ haˇ yawˬ ha Jaˇliꞈ pyehˆ tseˇ˗eu jeˬ˗ahˇ neh gaˇ dahˇ tsoeˬ˗eu jeˬ za mawꞈ miˇ˗a laˬ? Yaw muiˬ˗ehˇ haw tsoˆ taˬ˗awˇ pyehˆ tseˇ nya˗eu gʼaˇ duˬ heu loꞈ˗ehˇ jahˇ haw:

• Tsaˬ˗eu jawˇ duˬ tseˇ. Gʼeh nya naˇ yaw luiˆ luiˆ˗ehˇ gʼeh˗awˇ, yaw shehꞈ yaw bya yaw muiˬ˗ehˇ za˗eu jawˇ duˬ˗ahˇ tseˇ. Sahˬ boꞈ gui˗eu hawˬ jeh˗ahˇ nuiˇ˗awˇ neh kʼawꞈ gui nya˗awˇ, maˬ ngeuˇ naˇ laꞈ nyiˇ paw oe doˆ˗awˇ neh kʼawꞈ gui nya meh.

• Lawˬ ka ni coꞈ ngehˇ ni gʼeh˗eu jawˇ duˬ˗ahˇ poˆ. Yeˬsuˇ “uˬ bya maˬ bya laˇ mi naˆ˗ehˇ” “meuˬ laꞈ nyiˇ iˇ doˆ˗awˇ, ciˬ cuˇ ni gʼeh˗eu jawˇ duˬ˗ahˇ” guiˬ lahˬ shaˇ˗iˇ˗euˬ meh. (Maˬkuˆ 1:35) Ciˬ cuˇ ni gʼeh˗eu jawˇ duˬ˗ahˇ maˬ poˆ mawˇ nya naˇ, nymˇ jiˇ laꞈ kʼoeˇ˗euˬ deuˬ˗ahˇ maˬ ngeuˇ naˇ, yawˬ ha nehˬ˗ehˇ jawˇ˗eu deuˬ˗ahˇ nawˇ yawˬ haˇ yawˬ ha Jaˇliꞈ pyehˆ tseˇ˗eu jeˬ aˬ geu ngeh yamˬ˗ahˇ jahˇ˗eu lehˇ ehˇ nehˬ taˬ. Pyehˆ tseˇ˗eu aˇ yamˬ˗ahˇ taˬ laˆ bahˬ nehˬ laꞈ, taˬ suˬ saˬ nehˬ laꞈ lehˇ ehˇ nehˬ taˬ.

• Yaw muiˬ˗ehˇ haw tsoˆ taˬ. Nawˇ naˬ gaˬ hawˇ˗eu tehˇbeˬ˗leꞈ lawˬ muˇ zmˬ˗awˇ pyehˆ tseˇ naˇ, teˇ saˇ piˬ tehˬ taˬ. Pyehˆ tseˇ luꞈ ngeh, mˇ paˬ˗ehˇ gʼeh˗eu gaˇ tiˬ hmˬ na˗ahˇ noeˬ doˆ laˇ naˇ, sahˬ boꞈ boꞈ taˬ˗awˇ pyehˆ tseˇ gʼaˬ˗awˇ neh mˇ. Maˬ haw tsoˆ taˬ nya ni pyeuꞈ laˇ naˇ, tiˬ kʼehˬ naˬ˗awˇ shaˬ guˬ shaˬ laˬ cah tsawˬ˗iˇ.