Yeˬsuˇ aˬ suˇ gʼaˬ˗a?

Yeˬhawˇbaˬ Yeˬsuˇ˗ahˇ miˆ tsaˬ kʼoeˇ taˆ bi dehꞈ le˗eu meh. 1 Yoˇhaˬ 4:9

Yeˬhawˇbaˬ Miˬ yehˇ aˬ dui˗ahˇ bi gaˬ mawˆ naˇ Miˬ yehˇ˗eu zaˬ maˇ dawˬ ya naˇ haˬ meh. Mˬ kʼoeˇ taˆ baoˬ jaˆ˗eu mˬ taˇ gʼaˬ kʼehˇ tiˬ gʼaˬ beh˗eu meh.

Yeˬhawˇbaˬ mˬ taˆ gʼaˬ kʼehˇ kʼoeˇ gʼaˬ˗ahˇ yaw muiˬ yaw shawˇ aˬ buˇ Maˬliˆ uˬ maˆ˗ahˇ bi uˇ leˇ˗awˇ Behˬlehˬhehˬ meuˬ˗ahˇ bi baw iˇ˗eu meh kʼoeˇ˗aˬ Yeˬsuˇ meh.—Yoˇhaˬ 6:38.

Yeˬsuˇ miˇ tsaˬ kʼoeˇ taˆ jawˇ ngeh Miˬ yehˇ˗eu aˇ gʼehˇ loꞈ˗ehˇ duˇ ni mˇ˗eu meh. Aˬ yawꞈ˗aˬ nui ma muiˬ˗awˇ, gʼawˬ shaˬ gaˬ˗eu miˇ neh, zaˬ huiˬ tsawˇ nyiˇ maˬ tseˇ paˆ˗a, Yeˬsuˇ nehꞈ˗ehˇ jawˇ nya meh, aˬ yawꞈ˗aˬ tiˬ gʼaˬ˗ahˇ iˇ maˬ guˆ ni Yeˬhawˇbaˬ˗eu yaw tsaˬ yaw dawˇ˗eu gaˇ kawˆ mehˬ˗eu meh.

Yeˬsuˇ yaw muiˬ mˇ kʼawˆ aˬ yawꞈ˗ahˇ aˬ cawˬ maˬ haw nahˇ˗a. 1 Beˬtuˆluˆ 2:21-24

Yeˬsuˇ˗aˬ naˇ˗eu gawˇ˗eu tsawˇ haˬ˗ahˇ laˆ saˆ˗awˇ shiˇ˗eu tsawˇ haˬ tiˬ gʼaˬ naˆ˗ahˇ bi gʼoꞈ dehꞈ laˇ˗eu meh.

Yeˬsuˇ tsawˇ haˬ yawˬ gʼaˬ na luꞈ˗ahˇ ehˇ neh˗eu zahˇ mehˬ˗eu tsawˇ haˬ kʼoeˇ deuˬ˗aˬ maˬ tsaˬ maˬ dawˇ˗eu jeˬ mehˬ˗awˇ maˬ muiˬ˗eu jeˬ mˇ nga lehˇ ehˇ nehˬ˗eu meh. Kʼoeˇ miˇ neh zahˇ mehˬ˗eu deuˬ Yeˬsuˇ˗ahˇ byeh˗eu meh.

Zahˇ mehˬ˗eu aˬ yuiꞈ deuˬ meuˬ˗ahˇ uˆ lahˇ˗eu Loˇmaˆ tsawˇ haˬ deuˬ nehꞈ˗ehˇ gm leˆ hawˇ Yeˬsuˇ˗ahˇ diˬ˗awˇ laˆ sehꞈ˗eu meh.