Aˬ dui nymˇ jiˇ˗ahˇ mˇ cu˗eu, shaˬ zahˬ˗ahˇ kamˬ daˬ nya

Aˇ saˬ saˬ˗eu aˇ nah aˇ yamˬ naˇ, shaˬ dui zahˬ dui dui˗eu aˇ yamˬ pyeuꞈ meh. Aˇ saˬ saˬ˗eu aˇ nah ngehˬ˗ehˇ peh laˇ naˇ ngehˬ˗ehˇ shaˬ˗eu zahˬ˗eu jeˬ jiˇ myaˬ laˇ˗eu meh. Tiˬ poˆ na aˬ dui loˬ˗eu jeˬ maˬ jaˆ˗eu kʼawꞈ pyeuꞈ nya meh. (Haˬbaˬkuˆ 3:16-18) Ehˇ kʼawꞈ, aˬ dui nymˇ jiˇ˗ahˇ mˇ cu˗eu shaˬ zahˬ˗ahˇ kamˬ daˬ nya meh lehˇ aˬ jeˬ miˇ neh jah nya˗eu nga? Aˬ dui aˬ myah luꞈ Yeˬhawˇbaˬ Miˬyehˇ˗ahˇ nui ma ya taˬ˗eu meh. Yeˬhawˇbaˬ aˬ yawꞈ˗euˬ gaˇ mˇ zaˬ deuˬ˗ahˇ ngehˬ gʼeh nehˬ ma lehˇ saˇ jaˇ dzaˬ taˬ˗awˇ, aˬ geu jeˬ keuˆ le kʼawꞈ aˬ yawꞈ aˬ dui loˬ˗eu jeˬ jaˆ ni caw ba nehˬ meh.—Ja ceuˬ 37:18, 19; Heˬbyehˇ 13:5, 6.

Aˬ dui aˬ jeˬ ya jahˇ˗eu nga?

• Sheuˬ gʼeh nehˬ laꞈ, zaˬ siˬ nui gahˇ biꞈ nehˬ laꞈ, caw ba nehˬ laꞈ lehˇ Yeˬhawˇbaˬ˗ahˇ guiˬ lahˬ shaˇ.—Ja ceuˬ 62:8

• Gaˇ tiˬ jeˬ na˗ahˇ maˬ mˇ haw˗euˬ kʼawꞈ, nui ma keuˆ˗eu laꞈ kʼoeˇ mˇ.—g˗SI 1/10 8-9, oeˬ coeˇ oeˬ bawˬ

• Nui jah bi ziꞈ˗eu gʼaˇ duˬ, yawˬ nah na luꞈ Jaˇliꞈ gui, aˬ myah luꞈ mehˬ bawˬ˗ahˇ iˇ, kʼaˇ gʼeh nya gaˇ neh tsaꞈ gaˬ

Nymˇ jiˇ ziꞈ dah ni tsoˆ—‘Yawˬ ha jaˆ˗eu jeˬ˗ahˇ nui kʼahˇ shiˇ’ lehˇ ehˇ˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Biˬdiˬoˬ laꞈ kʼoeˇ˗euˬ nymˇ jiˇ heu deuˬ aˬ jeˬ˗euˬ shaˬ zahˬ˗ahˇ ya tahˬ puˬ˗euˬ nga?

• Dehꞈ ziˇ laꞈ kʼoeˇ aˇ yeˇ kʼaˇ huiˬ dzehˬ˗eu jeˬ naˇ aˬ jeˬ nga?

• Aˬ dui mˇ dzaˬ kʼawꞈ dawˇ˗eu paw shaˬ luꞈ˗eu deuˬ˗ahˇ aˬ joˆ˗ehˇ caw ba nya˗eu nga?