Ka li zaˬ˗euˬ dehꞈ ziˇ
Saˇ jaˇ ziꞈ˗eu jeˬ hawˇ˗eu aˬ dui˗euˬ nui noeˬ
Aˬ dui Miˬyehˇ˗ahˇ saˇ jaˇ ziꞈ˗eu lehˇ ngehˬ˗eu jeˬ hawˇ˗eu mˇ˗eu jeˬ neh tehꞈ˗ehˇ maˬ ngeuˇ˗eu nui noeˬ paw jiˇ ya mˇ mawˇ˗eu meh. (Ja ceuˬ 19:14) Teu miˇ neh Jaˇliꞈ aˬ dui˗ahˇ ja ceuˬ paˬ˗ehˇ gʼeh˗eu jeˬ, tsaˬ˗eu dawˇ˗eu jeˬ, yaw zeu baw paˬ˗ehˇ gʼeh˗eu jeˬ, muiˬ˗eu shawˇ˗eu jeˬ, haw gaˬ paˬ˗ehˇ gʼeh˗eu jeˬ, taˬ huiˬ taˬ mahˇ paˬ˗ehˇ gʼeh˗eu jeˬ, heu deuˬ mˇ lehˇ ehˇ˗eh meh. (Piˇliˇpiˆ 4:8) Tiˬ poˆ na maˬ muiˬ˗eu nui noeˬ tiˬ jawˇ˗iˬ maˬ noeˬ˗eu lehˇ ehˇ˗eu heu naˇ maˬ pyeuꞈ leˇ nya˗a. Ehˇ kʼawꞈ, aˬ dui yawˬ ha˗euˬ nui ma˗ahˇ gʼaˬ leˇ ni leh jeh˗eu heu naˇ maˬ muiˬ˗eu nui noeˬ˗ahˇ gʼaˬ leˇ ni caw ba nehˬ laꞈ˗eu meh. Aˬ dui nui noeˬ paw neh Miˬyehˇ˗ahˇ saˇ jaˇ ziꞈ naˇ mˇ jeˬ shaˇ kawˆ paw neh kʼawꞈ saˇ jaˇ ziꞈ nya˗eu meh.—Maˬkuˆ 7:21-23.
Laˆ oꞈ paw jaˆ˗eu Jaˇliꞈ aˇ deuˆ heu deuˬ˗ahˇ haw ngeh, aˬ joˆ˗ehˇ gʼeh˗eu nui noeˬ deuˬ˗ahˇ ya yahˇ nga lehˇ boꞈ.
Loˇmaˆ 12:3