Yawˬ ha ya siˬ˗euˬ jeˬ aˬ cawˬ˗ahˇ ja nehˬ

Yawˬ haˇ yawˬ ha Jaˇliꞈ pyeuꞈ tseˇ˗eu jeˬ heu naˇ, aˬ dui˗ahˇ shiˬ keuˇ ni bi g’eh laˇ˗eu meh. Aˬ dui yawˬ ha neh ya siˬ˗euˬ jeˬ aˬ cawˬ˗ahˇ ja nehˬ naˇ, ngehˬ˗ehˇ dzehˬ shiˬ keuˇ ni paˇ bi g’eh laˇ˗eu meh. Dawˬdaˬ 11:25-ahˇ “Aˬ cawˬ˗ahˇ caw ba˗eu tsawˇ haˬ yawˬ ha˗ahˇ paˇ bi caw ba k’oꞈ tehꞈ˗a” lehˇ ehˇ taˬ˗euˬ meh.

Aˬ dui yawˬ ha neh ya siˬ˗euˬ jeˬ aˬ cawˬ˗ahˇ ja nehˬ naˇ, yawˬ ha k’awꞈ noeˬ taˬ nya dzehˬ laˇ˗awˇ, g’oˆ shaw nya dzehˬ laˇ˗eu meh. K’oeˇ naˇ aˬ yawꞈ maꞈ gaˇ dahˇ tsoeˬ˗eu jeˬ za ngeh, aˬ dui˗ahˇ laˬ k’aˬ bi cehˇ laˇ˗eu meh.—G’aˬk’ehˇ 20:35

Heu loꞈ˗ehˇ mˇ haw: Nyaˆ taꞈ jaw yawˬ ha neh ya siˬ˗euˬ jeˬ tiˬ g’aˬ g’aˬ˗ahˇ ja nehˬ. Yawˬ ha neh ya siˬ˗euˬ jeˬ, nymˇ jiˇ laꞈ k’oeˇ˗euˬ deuˬ, aˇ muˇ laꞈ k’oeˇ˗euˬ deuˬ, gaˇ mˇ cawˬ deuˬ, sahˬ boꞈ dzaw cawˬ deuˬ, nymˇ kaˬ taꞈ˗eu deuˬ, tsaꞈ gaˬ duˬ˗ahˇ˗euˬ tsawˇ haˬ deuˬ, heu deuˬ˗ahˇ yawˬ ha˗euˬ dawˬ neh yaw awˬ awˬ lehˇ maˇ jawˆ ni ja nehˬ nya meh.

Noeˬ taˬ paˬ˗ehˇ g’eh˗eu jeˬ: Aˬ cawˬ˗ahˇ ja nehˬ ngeh, yawˬ ha˗ahˇ bi ciˬ huiˬ laˇ˗eu g’aˇ duˬ maˬ ngeuˇ˗eu, aˬ yawꞈ maꞈ˗ahˇ g’aˬ biꞈ˗eu g’aˇ duˬ ya bi pyeuꞈ meh.—1 Gawˇliˬtu 8:1.

(Taiˬ hawˇ˗eu Mam dawˬ˗ahˇ haw nya meh.)