Ehˇ lahˬ

a Aˬ dui jaˬ myawꞈ myawꞈ˗eu aˬ da yaw dzahˇ gʼaˬ pyeuꞈ˗eu Saˬdaˬ uˆ lahˇ˗eu miˇ tsaˬ˗ahˇ jawˇ luꞈ˗eu ma. Teu miˇ neh, aˬ dui˗euˬ gʼaˇ duˬ yaw tsaˬ yaw dawˇ jeˬ laꞈ kʼoeˇ dehꞈ daˆ leꞈ˗eu heu naˇ yaw awˬ maˬ ngeuˇ˗a. Dahˬ beh˗euˬ Ka li zaˬ saˇ ka jiˇ leˇ dzaˬ˗ahˇ jawˇ˗eu Ka li zaˬ deuˬ jiˇ ni teu loꞈ˗ehˇ gʼeh˗eu shaˬ zahˬ˗ahˇ ya tahˬ puˬ˗euˬ meh. Yeˬhawˇbaˬ Ka li zaˬ teu deuˬ˗ahˇ hawˇ˗eu aˬ dui˗ahˇ caw ba˗eu gʼaˇ duˬ, gʼaˬ kʼehˇ Yoˇhaˬ˗ahˇ aˬ yawꞈ sheuˬ gʼeh˗eu laꞈ kʼoeˇ sahˬ boꞈ smˇ taꞈ bi boꞈ˗euˬ meh. Sahˬ boꞈ teu deuˬ naˇ, aˬ dui˗ahˇ yaw tsaˬ yaw dawˇ jeˬ laꞈ kʼoeˇ maˬ dehꞈ daˆ leꞈ nya ni laˆ tsoeˬ˗eu aˬ geu jeˬ pyeuꞈ˗awˇ, aˬ dui teu˗ahˇ aˬ joˆ˗ehˇ deuˆ gʼaˬ nya˗eu lehˇ bi siˬ laꞈ˗eu meh.